އެކަނިވެރިމައަކަށްވާންޖެހުމުންނާއި އެހެންވެސް ސަބަބުތައް މެދުވެރިވެ ދަތިޙާލުގައި އުޅެންޖެހިފައިވާނަމަ ދަމުނަމާދާއި އަދި ފަތިސްނަމާދަށްފަހު ނިކައިން މިފަދައިން ދުޢާކުރަންފަށައިބަލާށެވެ! ރިޒުޤް ތަނަވަސްކޮށް ދެއްވަވާނެތެވެ. އިން ޝާ ﷲ
ޔާ ﷲ! އިނބަ ﷲ އީ މިއަޅާ އާއި އެންމެހައި މީސްތަކުން ދުނިޔޭގައި އުޅެމުންދާ ޙާލު އެންމެ މޮޅަށް ދެނެވޮޑިގެންވާ ރަސްކަލާނގެއެވެ. އަދި އެންމެހައި މީސްތަކުންނަށް ރިޒުޤް ދެއްވަވާ ރަސްކަލާނގެއެވެ. އިނބަ ﷲ ފިޔަވައި އަޅަމެންނަށް އެހީތެރިކަމެއް ފޯރުކޮށްދެވޭނެ އެއްވެސް ފަރާތެއް ނުވެއެވެ.
ޔާ ﷲ! މިއަޅާއަށާއި މިއަޅާފަދައިން ދުނިޔޭގެ ކަންކޮޅުތަކުގައި ދަތިޙާލުގައިވާ އެންމެންނަށް ކުރިމަތިވެފައިވާ ދަތިޙާލުން ސަލާމަތްކޮށްދެއްވަވާނދޭވެ! ޙަލާލް ނޫން މަގަކުން ލިބޭ އެއްވެސް އެއްޗެއް ބޭނުންނުކޮށް ކެތްތެރިވުމުގެ ހިތްވަރު އަޅަމެންނަށް ދެއްވަވާނދޭވެ! އާމީން
- އިސްލާމީ ތިލަފަތުގެ ދަރުސަކުން
