ނިމިދިޔަ އެމްޑީޕީ ސަރުކާރުގައި ޒުވާނުންނާއި ކުޅިވަރާބެހޭ ވަޒީރުގެ މަޤާމު އަދާކުރެއްވި އަހުމަދު މަހުލޫފާއި، އިދިކޮޅު އެމްޑީޕީގެ އިސް އެކްޓިވިސްޓުންތަކެއް ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އާ ރަސްމީކޮށް ގުޅިވަޑައިގެންފިއެވެ. މި ބަދަލަކީ ސިޔާސީ މައިދާނަށް އައި މުހިންމު ބަދަލެއްކަމަށް ގިނަ ބަޔަކު ދެކެއެވެ.
ކުރީގެ ވަޒީރު އަހުމަދު މަހުލޫފާއި، އެމްޑީޕީގެ އިސް އެކްޓިވިސްޓުންތަކެއް ޕީއެންސީއަށް ސޮއިކުރުމަށްފަހު، ޕާޓީއާ ގުޅުނުކަމުގެ ލިޔުން ހަވާލުކޮށްފައިވަނީ ޕީއެންސީން ބޭއްވި "ދިވެހީންގެ ރާއްޖެ" ޖަލްސާގައެވެ. މި ލިޔުންތައް ހަވާލުކޮށްފައިވަނީ ޕީއެންސީގެ ރައީސް އަދި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒުއާ އެވެ. މި ޖަލްސާގައި ޕީއެންސީގެ ސަފުތައް ވަރުގަދަކުރުމަށް ގިނަ ބަޔަކު ވަނީ ޕާޓީއާ ގުޅިފައެވެ.
ޕީއެންސީއާ ގުޅިވަޑައިގެންނެވި އަހުމަދު މަހުލޫފަކީ ކުރީ ސަރުކާރުގައި ޔޫތު މިނިސްޓަރުގެ މަޤާމު ފުރުއްވާފައިވާ ބޭފުޅެކެވެ. އޭނާ ވަނީ އިދިކޮޅު އެމްޑީޕީގެ ޤައުމީ މަޖިލީހުގެ މެންބަރުކަންވެސް ކުރައްވާފައެވެ. މަހްލޫފް އެމްޑީޕީން ވަކިވެވަޑައިގެންފައިވަނީ މީގެ ދުވަސްކޮޅެއް ކުރިންނެވެ.
މަހްލޫފްގެ އިތުރުން، އެމްޑީޕީގެ އިސް އެކްޓިވިސްޓުންތަކެއްވެސް ވަނީ ޕީއެންސީއަށް ސޮއިކޮށްފައެވެ. އެމްޑީޕީއަށް ނިސްބަތްވާ އިސް ފަރާތްތަކެއް ވެރިކަންކުރާ ޕާޓީއާ ގުޅުމަކީ، ކުރިއަށް އޮތް ލޯކަލް ކައުންސިލް އިންތިޚާބުތަކަށް ސިޔާސީ ޕާޓީތަކުން ތައްޔާރުވަމުންދާ ދަނޑިވަޅެއްގައި ފާހަގަކޮށްލެވޭ ކަމެކެވެ.
