ލަންކާއަށް ކުރިމަތިވެފައިވާ ފެންބޮޑުވުމާއި ބިންގަނޑު ކަނޑައިގެން ދިއުމުގެ ޙާދިސާތަކުގައި މިހާތަނަށް އެއްވެސް ދިވެއްސަކަށް ގެއްލުމެއް ލިބިފައިނުވާކަމަށް، ލަންކާގައި ހުންނަ ދިވެހި ހައިކޮމިޝަނުން މިއަދު ހާމަކޮށްފިއެވެ. ހައިކޮމިޝަނުން ވިދާޅުވީ، ދިވެއްސަކަށް ގެއްލުމެއް ލިބިފައިވާކަމުގެ އެއްވެސް ރިޕޯޓެއް މިހާތަނަށް ލިބިފައިނުވާ ކަމަށާއި، ދިވެހިންގެ ޙާލަތު ގާތުން ބަލަމުންދާ ކަމަށެވެ.
ލަންކާގެ ޙާލަތާއި ގުޅިގެން އެ ޤައުމުގެ ކަމާބެހޭ ފަރާތްތަކުން ސަމާލުވުމަށް އަންގާފައިވާތީ، ދިވެހި އެމްބަސީއިން ވެސް ވަނީ ލަންކާގައި ދިރިއުޅޭ ދިވެހިންނަށް ސަމާލުވުމަށް އިލްތިމާސްކުރައްވާފައެވެ. އެގޮތުން، ކޮންމެހެން ކުރަން ޖެހިއްޖެ ޙާލަތެއްގައި މެނުވީ ދަތުރުފަތުރު ނުކުރުމަށާއި، ޚާއްސަކޮށް ފެންބޮޑުވެ، ބިންގަނޑު ކަނޑައިގެން ދިއުމުގެ ނުރައްކާ އޮތް ސަރަޙައްދުތަކަށް ދަތުރު ނުކުރުމަށް ވަނީ އަންގާފައެވެ.
މީގެ އިތުރުން، ބޯކޮށް ވާރޭވެހުމާއި ވައިގަދަވާ ވަގުތުތަކުގައި ބޭރަށް ނުނިކުތުމަށް ނަސޭހަތްތެރިވެފައިވެއެވެ. އަދި ލަންކާގެ މޫސުމާއި ބެހޭ އިދާރާގެ އެންގުންތަކުގެ އަދާހަމަ އިސްކަންދީގެން ހޯދުމަށްވެސް ހައިކޮމިޝަނުން ވަނީ އެދިފައެވެ.
ދިވެހި ހައިކޮމިޝަނުން ވަނީ މި ދަނޑިވަޅުގައި ޒަރޫރީ ސާމާނުތައް ރައްކާތެރިކުރުމަށްވެސް އިރުޝާދު ދެއްވާފައެވެ. އެގޮތުން، ކާޑުގެ ބާވަތްތަކާއި، ފެނާއި ބޭސް ފަދަ ތަކެތި ހޯދައި، ރައްކާތެރި ތަންތަނުގައި ބެހެއްޓުމަށާއި، މުހިންމު ލިޔެކިޔުންތަކަށް ސަމާލުވުމަށް އަންގާފައިވެއެވެ. އަދި މޯބައިލް ފޯނު ޗާޖު ކޮށްފައި ބެހެއްޓުމަކީ މިފަދަ ކާރިސާތަކުގައި މުހިންމު ކަމެއް ކަމަށްވެސް ހައިކޮމިޝަނުން ފާހަގަކުރައްވައެވެ.
ލަންކާއިން މާލެއަށް ދަތުރުކުރާ ފަރާތްތަކަށްވެސް ވަނީ ޚާއްސަ އިރުޝާދުތަކެއް ދެއްވާފައެވެ. އެފަރާތްތަކުން ދަތުރުގެ މަޢުލޫމާތު ރަނގަޅަށް އޮޅުންފިލުވައި، ދުރާލާ އެއަރޕޯޓަށް ދަތުރު ފެށުމަށް ވަނީ އިލްތިމާސްކުރައްވާފައެވެ. ހައިކޮމިޝަނުން ވިދާޅުވީ، ލަންކާގެ ޙާލަތު ގާތުން ބަލަމުންދާ ކަމަށާއި، ދިވެހިންގެ ރައްކާތެރިކަން ކަށަވަރުކުރުމަށް މަސައްކަތް ކުރަމުންދާ ކަމަށެވެ.
