ސްރީލަންކާއަށް ދިމާވެފައިވާ ކާރިސީ ޙާލަތުގައި އެޤައުމަށް އެހީތެރިކަން ފޯރުކޮށްދިނުމަށް، ދިވެހި މީޑިއާތަކުން ފެށި ޚާއްސަ ޓެލެތޯން ކަމަށްވާ "ސިލޯނާއެކު ދިވެހީން" އަށް މިހާތަނަށް 11.4 މިލިޔަނަށްވުރެ ގިނަ ރުފިޔާގެ އެހީ ލިބިފައިވާ ކަމަށް އެ ޓެލެތޯންގެ އިންތިޒާމްކުރާ ފަރާތްތަކުން ބުނެފިއެވެ.
މި އެހީއަކީ ސްރީލަންކާގެ ރައްޔިތުންނަށް ދިމާވެފައިވާ އިޤްތިޞާދީ އަދި އިންސާނީ ކާރިސާއިން އަރައިގަތުމަށް ފޯރުކޮށްދެވޭ އެހީއެކެވެ.
މި ޓެލެތޯން ފެށިފައިވަނީ އާދިއްތަ ދުވަހުގެ ހެނދުނު 9:00 ޖެހިއިރުއެވެ. ފެށުނީއްސުރެ ގިނަ އަދަދެއްގެ ފަރާތްތަކުން ދަނީ މި ޓެލެތޯނަށް ފައިސާ ހަދިޔާ ކުރަމުންނެވެ. ދިވެހި ރައްޔިތުންގެ ފަރާތުން ލިބެމުންދާ މި ބޮޑު އެއްބާރުލުމަކީ ދެޤައުމުގެ ގުޅުން ހުރި ގޮތުގެ ހެކިކަމަށް ގިނަ ބަޔަކު ދެކެއެވެ.
ބީއެމްއެލްއިން މި ޓެލެތޯންއަށް ޚާއްސަކޮށްފައިވާ ދިވެހި ރުފިޔާ އެކައުންޓަށް މިއަދުގެ މެންދުރު 14:22 ޖެހުމާއާ ހަމައަށް ޖުމްލަ 11,415,915 ރުފިޔާ ވަނީ ލިބިފައެވެ. މި އަދަދު ހިމެނޭ ގޮތަށް ބަލާއިރު، 10،743،125 ރުފިޔާ އާއި 43،631 ޑޮލަރު ވަނީ ހަދިޔާކުރެވިފައެވެ. މި އަދަދުތަކުން ދައްކުވައިދެނީ ދިވެހި ރައްޔިތުންގެ ހިތްތަކުގައި އެހީތެރިކަމުގެ ރޫޙު ބޮޑުކަމެވެ.
