ސަރުކާރުގެ ބޭސް ކުންފުނި ކަމަށްވާ ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން ލިމިޓެޑް (އެސްޕީއެމްއެސްސީ) ގެ ޑިރެކްޓަރުންގެ ބޯޑުގެ ޗެއަރޕަރސަންގެ މަޤާމަށް އިބްރާހީމް ޢަބްދުއްރައްޒާޤު ޙަލީމް އައްޔަނުކޮށްފިއެވެ. މިއީ ސިއްޙީ ދާއިރާއަށް ބޭނުންވާ ބޭސްތަކާއި ސާމާނު ފޯރުކޮށްދިނުމަށް އުފައްދާފައިވާ މުހިންމު ކުންފުންޏެކެވެ.
އިބްރާހީމް ޢަބްދުއްރައްޒާޤު ޙަލީމްއަކީ މިހާރުވެސް މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯގެ މަޤާމުގައި ހުންނެވި ބޭފުޅެކެވެ. އެހެންކަމުން، ސިއްޙީ ދާއިރާގައި އޭނާއަށް ލިބިފައިވާ ތަޖުރިބާ، އެސްޕީއެމްއެސްސީގެ މަސައްކަތްތައް ހަރުދަނާކުރުމަށް އެހީތެއެތިވެގެންދާނެ ކަމަށް ބެލެވެއެވެ.
މި ކުންފުނި އުފައްދާފައިވަނީ މިއަހަރުގެ ސެޕްޓެމްބަރު މަހުގެ 9 ވަނަ ދުވަހު، ކުންފުނީގެ ޤާނޫނުގެ 15 ވަނަ މާއްދާއިން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުންނެވެ. އެސްޕީއެމްއެސްސީގެ ބޯޑަށް މެމްބަރުން އައްޔަންކުރުމުގެ މަސައްކަތް ވަނީ ކުރިން ފަށާފައެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން ވަނީ މި ކުންފުނީގެ ބޯޑު މެމްބަރުންގެ ގޮތުގައި އާޢިޝަތު މުޙައްމަދު އަދި ޝިބާނާ އަބްދުﷲ ދީދީ އައްޔަން ކުރައްވާފައެވެ. އަދި މި ކުންފުނީގެ މެނޭޖިން ޑިރެކްޓަރުކަމުގެ މަޤާމަށް އައްޔަންކުރައްވާފައިވަނީ ޑރ. ޝާހު މާހިރެވެ. ޗެއަރޕަރސަންގެ މަޤާމަށް އިބްރާހީމް ޢަބްދުއްރައްޒާޤު ޙަލީމް އައްޔަންކުރުމާއެކު، ކުންފުނީގެ އިސް ހިންގާ ބޯޑު މިހާރު ވަނީ ފުރިހަމަވެފައެވެ.
