އުރީދޫ މޯލްޑިވްސްއިން ބާއްވާ ފޯރިގަދަ ދުވުން ކަމަށްވާ "ފަން ރަން" އަށް ވިއްކާފައިވާ 250 ފަން ކިޓުގައި ޚާއްޞަ ޓިކެޓްތަކެއް ހިމެނިފައިވާ ކަމަށް އެ ކުންފުނިން ބުނެފިއެވެ. މި ޓިކެޓްތަކަކީ "ކޮފީ ބީން އެންޑް ޓީ ލީފް" އާއި ގުޅިގެން ދުވުމުގެ ބައިވެރިންނަށް ޚާއްޞަ ހަދިޔާތަކެއް ހޯދައިދިނުމަށް ހިމަނާފައިވާ ތަކެއްޗެވެ.
އުރީދޫ ފަން ރަންއަކީ މި މަހުގެ 19 ވަނަ ދުވަހު ހުޅުމާލޭގައި ބޭއްވުމަށް ހަމަޖެހިފައިވާ 5 ކިލޯ މީޓަރުގެ ދުވުމެކެވެ.
އުރީދޫއިން ބުނި ގޮތުގައި، ފަން ރަންގެ ކިޓުތައް ބައްލަވައިގެންނެވި ފަރާތްތަކުގެ ތެރެއިން އެއް ފަރާތަކަށް ވަރަށް ޚާއްޞަ ގޯލްޑަން ޓިކެޓެއް ލިބޭނެއެވެ. އެ ގޯލްޑަން ޓިކެޓު ލިބޭ ނަސީބުވެރި ފަރާތަކަށް އެއް އަހަރު ދުވަހުގެ މުއްދަތަށް ކޮންމެ މަހަކު "ކޮފީ ބީން އެންޑް ޓީ ލީފް" އިން ދެ އައިސް ބްލެންޑެޑް ޑްރިންކް ހިލޭ ލިބޭނެއެވެ. މިއީ ދުވުމުގެ ބައިވެރިންނަށް ލިބޭނެ ވަރަށް އަގުހުރި ހަދިޔާއެކެވެ.
މީގެ އިތުރުން، މި ޚާއްޞަ 250 ކިޓުގައި ސިލްވަރ ޓިކެޓްތަކާއި ޕާޕަލް ޓިކެޓްތައް ވެސް ހިމެނެއެވެ. ސިލްވަރ ޓިކެޓް ލިބޭ ފަރާތްތަކަށް 5 ހޭންޑް ކްރާފްޓެޑް ޑްރިންކްސް ހިލޭ ލިބޭނެއެވެ. އަދި ޕާޕަލް ޓިކެޓް ލިބޭ ފަރާތްތަކަށް "ކޮފީ ބީން އެންޑް ޓީ ލީފް" ގެ ބުއިންތަކުން 5 އިންސައްތައިގެ ޑިސްކައުންޓެއް ލިބިގެންދާނެއެވެ.
އުރީދޫ ފަން ރަން އޮންނަ ދުވަހު ހުޅުމާލެ ސެންޓްރަލް ޕާކުގައި "ކޮފީ ބީން އެންޑް ޓީ ލީފް" ގެ ޚާއްޞަ ސްޓޯލެއް ގާއިމުކުރެވޭނެ ކަމަށް އުރީދޫއިން ބުނެއެވެ. މި ސްޓޯލުން ދުވުމުގެ ބައިވެރިންނަށް އެކި ބުއިންތަކުގެ ރަހަ ބަލާލުމުގެ ފުރުސަތު ލިބިގެންދާނެތީ، ދުވުމަށްފަހު ވަގުތު ހޭދަކޮށްލުމަށް ބައިވެރިންނަށް މިއީ ރަނގަޅު ފުރުސަތަކަށް ވާނެއެވެ.
