ޑިވެލޮޕްމެންޓް ބޭންކް އޮފް މޯލްޑިވްސް (ޑީބީއެމް) އިން، އެ ބޭންކުގެ އަމަލީ މަސައްކަތް ފެށުމަށް ތައްޔާރުވަމުންދާ ދަނޑިވަޅެއްގައި، މަތީ މަގާމުތަކަށް ބޮޑު މުސާރައަކާއެކު މީހުން ހޯދުމަށް އިއުލާންކޮށްފިއެވެ. މިގޮތުން، ޑީބީއެމްގެ މެނޭޖަރު ލެވެލްގެ ޖުމްލަ 13 މަގާމަކަށް މީހުން ހޯދުމަށް ވަނީ ހުޅުވާލާފައެވެ. މި މަގާމުތަކަކީ ބޭންކުގެ އޮޕަރޭޝަންތައް ފެށުމަށްޓަކައި އެކުލަވާލާ މުހިންމު ޓީމުގެ ބައެކެވެ.
ޑީބީއެމްއިން ވަކިވަކިން ކުރި އިއުލާންތަކުގައި ހިމެނޭ މުހިންމު މަގާމުތަކުގެ ތެރޭގައި ތިން ފައިނޭންސް މެނޭޖަރުންނާއި، ދެ ކޮމްޕްލަޔަންސް މެނޭޖަރުންނާއި، ދެ ފްރޮންޓް އޮފީސް އެގްޒެކެޓިވުން ހިމެނެއެވެ. މީގެ އިތުރުން، އެ ބޭންކަށް މާކެޓިން އެގްޒެކެޓިވްއަކާއި، އައިޓީ މެނޭޖަރަކާއި، އެޗްއާރު އެންޑް އެޑްމިން މެނޭޖަރަކާއި، ކްރެޑިޓް އެންޑް ރިސްކް މެނޭޖަރަކާއި، ލީގަލް މެނޭޖަރެއް އަދި އިންޓާނަލް އޮޑިޓް މެނޭޖަރެއްވެސް ހޯދުމަށް ވަނީ ހިމަނާފައެވެ.
މި މަގާމުތަކަށް ހޮވޭ ފަރާތްތަކަށް ހިތްގައިމު މުސާރައެއް ކަނޑައަޅާފައިވާއިރު، މުސާރަ އުޅެނީ 20،000ރ. އާއި 45،000ރ. އާ ދެމެދުގައެވެ. މިއީ ޑިވެލޮޕްމެންޓް ބޭންކުގެ ފަރާތުން މަތީ ފެންވަރުގެ ހުނަރުވެރިންނަށް ހުޅުވާލާފައިވާ ފުޅާ ފުރުޞަތެކެވެ.
މި މަގާމުތަކަށް ޝައުގުވެރިވާ ފަރާތްތަކުން ފޯމު ހުށަހެޅުމުގެ އެންމެ ފަހު ތާރީޚަކީ އަންނަ ހޯމަ ދުވަހުގެ ހަވީރު 5:00 ކަމަށް ޑީބީއެމްގެ އިޢުލާނުގައިވެއެވެ. ޑިވެލޮޕްމެންޓް ބޭންކަކީ ރާއްޖޭގެ އިޤްތިޞާދީ ތަރައްޤީއަށް ބޭނުންވާ މާލީ އެހީތެރިކަން ފޯރުކޮށްދިނުމަށް އުފެއްދި ބޭންކެކެވެ، އަދި މި ވަޒީފާގެ ފުރުޞަތުތަކަކީ ބޭންކުގެ އޮޕަރޭޝަންތައް ފެށުމަށް ކުރާ މަސައްކަތުގެ މުހިންމު ބައެކެވެ.
