އެހެން މީހުންގެ ދަރިން ވަރަށް ރިވެތިކޮށް ޤުރްއާން ކިޔަވާއަޑު އިވުމުން ތިމާގެ ދަރިފުޅުގެ ކިޔެވުމާއި އެކުއްޖާގެ ކިޔެވުމާއި އަޅާކިޔައިލެވުމަކީ މައްސަލައެއް ނޫނެވެ. މައްސަލައަކަށްވަނީ ހިތުގައި ޙަސަދަލެވުމެވެ.
ޙަސަދަ ލެވެނީ އެވަޤުތު ޝައިޠޯނާ ހިތުގެ ތެރެއަށް ވަދެގަންނާތީއެވެ. އެކުއްޖާގެ މައްޗަށް ޙަސަދަ ލައްވަން ޝައިޠޯނާ މަސައްކަތްކުރާތީއެވެ. ވީމާ ރިވެތިކޮށް ކިޔަވާ ކުއްޖެއްގެ އަޑުއިވުމާއިއެކު މިފަދައިން ކިޔާށެވެ! ޙަސަދަވެރިވުމާއި އެސްފީނާލުމުން ސަލާމަތްވާށެވެ! އެހެންކުދިންނަށް ޙަސަދަލާނަމަ އެކަމުގެ އަސަރު ތިބާގެ ދަރިފުޅަށްވެސް ކޮށްފާނެ ކަމަށް ބިރުވެތިވާށެވެ!
مَا شَاءَ اللهُ لَا قُوَّةَ إِلَّا باِللهِ
"އިންސާނާ އޭނާގެ ހިތްކިޔާފަދަ ކަމެއް މެދުވެރިވެއްޖެނަމަ ނުވަތަ ޢަޖައިބު ކުރުވަނިވި ފަދަ ކަމެއް މެދުވެރިވެއްޖެނަމަ، އެކަމަކީ އޭނާގެ އަމިއްލަ މުދަލުން ނުވަތަ ދަރިންގެ ކިބައިން ފެނުނު ކަމެއް ނަމަވެސް، ކިޔުން މަޝްރޫޢު ވެގެންވަނީ( مَا شَاءَ اللهُ لَا قُوَّةَ إِلَّا باِللهِ ) މިފަދައިންނެވެ."
އެއަށްފަހު ވިސްނައިލާށެވެ. ތިމާގެ ދަރިފުޅަށް މިފަދަ މަތިވެރި ނިޢްމަތެއް ލިބިފައިވީނަމަ ތިބާއަށް ލިބޭނެ ހިތްހަމަޖެހުމެވެ. އުފާވެރިކަމުގެ ބޮޑުކަމެވެ. އަދި ތިބާއަށްވެސް ﷲ ތަޢާލާ ދެއްވަވާނެ މަތިވެރި ދަރަޖައެވެ.
ގުޅުންހުރި ވީޑިއޯ ބައްލަވާލައްވާ!:
https://www.facebook.com/watch/?v=329168368058399
