މަސައްކަތުގަ އުޅެމުންވެސް ޛިކުރުކުރެވޭނެތަ؟
އެހީއެއް :
ކޮންމެ މަސައްކަތެއް ކުރަމުންވެސް ޛިކުރުކުރެވޭނެއެވެ. އޮފީހުގައި މަސައްކަތްކުރަމުންވެސް ބަދިގޭގައި ކައްކަން އުޅެމުންވެސް އަދި އެހެން މަސައްކަތެއް ކުރަމުންވެސް ޛިކުރުކިޔޭނެއެވެ. ހަނދާންވުމުން ކިޔާލަން ފަސޭހަ ޛިކުރެއް ކިޔާލަންވީއެވެ. ކިޔޭ ޢަދަދު ގުނުމުގެ ބޭނުމެއްވެސް ނެތެވެ. މަލާއިކަތުން ގެންދަވާނީ އެމީހެއްގެ ފަތުގައި ލިޔުއްވަމުންކަމަށްވާތީއެވެ.
ރޯދައަށް ހުރެގެންވެސް ގިނައިރު މަސައްކަތުގައި އުޅެންޖެހޭ މީހުން މަސައްކަތުގައި އުޅެމުންވެސް ޛިކުރުތައް ކިޔާނަމަ ދުވަސްނިމޭއިރު ވާނީ ވަރަށް ގިނަ ޢަދަދަކަށް ޛިކުރު ކިޔައިލެވިފައެވެ. އެކަމުގެ ފައިދާ ވަރަށް ބޮޑުވާނެއެވެ. އިން ޝާ ﷲ
ކޮންމެ ދުވަހަކުވެސް އިނާމު ލިބިލައްވާނީ ސުވާލު ޝާއިޢުކުރާތާ 24 ގަޑިއިރުގެ ތެރޭގައި ޖަވާބު ދެއްވާ 1 ކިޔުންތެރިއަކަށެވެ. ސުވާލަށް ޖަވާބުދެއްވާ ކިޔުންތެރިންގެ ތެރެއިން އިނާމުލިބުމަށް ހޮވޭ ކިޔުންތެރިއަކަށް ފޭސްބުކް މެސެންޖަރުން މެސެޖެއް ލިބިލައްވާނެއެވެ. މެސެޖް ލިބިލެއްވުމުން 7788020 އަށް ގުޅާލަދެއްވާށެވެ. ނޫނީ 7788020 އަށް ވަޓްސްއަޕުން މެސެޖެއް ކޮށްލަދެއްވާށެވެ.
