ކްރިމިނަލް ކޯޓުން ނެރެފައިވާ އަމުރަކާ ޚިލާފުވުމާ ގުޅިގެން، 'އަދަދު' ނޫހުގެ ނޫސްވެރިޔާ މުޙައްމަދު ޝަހްޒާން ރައީސުލްޖުމްހޫރިއްޔާގެ އޮފީހުން މިއަދު ނެރެފިއެވެ. ޝަހްޒާން ރައީސް އޮފީހުން ނެރެފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނޫސްވެރިންނާ ބައްދަލުކުރެއްވުމަށް ބޭއްވި ނޫސްވެރިންގެ ބައްދަލުވުމުގެ ތެރެއިންނެވެ.
މި ހާދިސާ ހިނގާފައިވަނީ ނޫސްވެރިންގެ ބައްދަލުވުމުގައި ޝަހްޒާން ކުރި ސުވާލެއްގައި ކްރިމިނަލް ކޯޓުގެ 'ގޭގް އޯޑަރާ' ޚިލާފުވެފައިވާ ކަމަށް ވިދާޅުވެ، ރައީސުލްޖުމްހޫރިއްޔާ އެންގެވުމާ ގުޅިގެންނެވެ. ޝަހްޒާން ސުވާލުކޮށްފައިވަނީ 'އަދަދު' ނޫހުން ދާދިފަހުން ގެނެސްދިން ޑޮކިއުމެންޓްރީއަކާ ގުޅުވައިގެންނެވެ.
ކްރިމިނަލް ކޯޓުން އިއްޔެ ނެރުނު އަމުރުގައި ވަނީ އެ ޑޮކިއުމެންޓްރީގައި ދައްކާފައިވާ އެއްވެސް ވާހަކައެއް އާންމުނުކުރުމަށް އަމުރުކޮށްފައެވެ. އަދި އެ ވީޑިއޯ ޑޮކިއުމެންޓްރީ މުޖުތަމައުގެ ތެރޭގައި ދައުރު ނުކުރުމަށާއި، އޭގައި ގެނެސްދީފައިވާ އެއްވެސް ވާހަކައެއް ސީދާ ގޮތުންނާއި ނުސީދާ ގޮތުން ވިޔަސް ނުދެއްކުމަށް ކޯޓު އަމުރުގައި ކަނޑައަޅާފައިވެއެވެ.
ޝަހްޒާން ކުރި ސުވާލާ ގުޅިގެން ރައީސުލްޖުމްހޫރިއްޔާ ވިދާޅުވީ، ރައީސުލްޖުމްހޫރިއްޔާގެ އޮފީހުގައި "ރޫލް އޮފް ލޯ" ނުވަތަ ގާނޫނީ ސިޔާދަތު ހިފެހެއްޓޭނެ ކަމަށެވެ. އަދި އެމަނިކުފާނުގެ ބޮލުގައި އަޅުވަނީ އެއްވެސް ހަގީގަތެއް ނެތް ދޮގު އިލްޒާމްތަކެއް ކަމަށްވެސް ރައީސް ވަނީ ތަކުރާރުކުރައްވާފައެވެ.
މި ބައްދަލުވުމުގައި ރައީސް އިތުރަށް ވިދާޅުވީ ކޯޓު އަމުރުތަކަށް އިހުތިރާމް ކުރަންޖެހޭނެ ކަމަށާއި، ގާނޫނާ ޚިލާފު އަމަލުތަކަށް ފުރުސަތު ނުދެއްވާނެ ކަމަށެވެ.
