ތައިލެންޑަށް ދަތުރުކުރާ ފަރާތްތަކުން އެ ޤައުމަށް އެތެރެވުމުގެ ކުރިން ފުރަންޖެހޭ ޑިޖިޓަލް އެރައިވަލް ކާޑު (ޓީ.ޑީ.އޭ.ސީ) ފުރުމަށް ރާއްޖޭގެ ޤައުމީ އެއާލައިން، މޯލްޑިވިއަނުން އިލްތިމާސްކޮށްފިއެވެ. މިކަމަކީ ދަތުރުވެރިންނަށް ލުއިފަސޭހަކަމާއެކު ތައިލެންޑަށް އެތެރެވުމުގެ އިންތިޒާމުތައް ހަމަޖެއްސުމުގެ ގޮތުން ކުރަންޖެހޭ ކަމެކެވެ.
މޯލްޑިވިއަނުން ބުނެފައިވާ ގޮތުގައި، ތައިލެންޑަށް ދަތުރުކުރާ ފަރާތްތަކުން އެ ޤައުމަށް ދިއުމުގެ 3 ދުވަސް ކުރިން ޑިޖިޓަލް އެރައިވަލް ކާޑު ފުރަންވާނެއެވެ. މި ކާޑު ފުރުމަކީ ދަތުރުގެ ކަންކަން ކުރިއަށް ރޭވުމަށާއި، އެއާޕޯޓުގައި ހޭދަވާ ވަގުތު ކުޑަކުރުމަށް އެހީތެރިވެދޭނެ ކަމެއް ކަމަށް އެ އެއާލައިނުން ފާހަގަކުރެއެވެ.
މިކަމާ ގުޅިގެން މޯލްޑިވިއަނުން ބުނެފައިވަނީ، "ދަތުރު ފެށުމުގެ ކުރިން، ތައިލެންޑަށް އެތެރެވާ ތާރީޚުގެ 3 ދުވަސް ކުރިން ޑިޖިޓަލް އެރައިވަލް ކާޑު ފުރިހަމަކުރުމަށް ހަނދާން ބަހައްޓަވާށެވެ." އަދި މި ކާޑު ފުރުމަށްޓަކައި އެއާލައިނުން އާންމުކޮށްފައިވާ ކިއު.އާރް ކޯޑު ސްކޭންކޮށްގެން ރަޖިސްޓްރޭޝަން ފުރިހަމަކުރެވޭނެ ކަމަށްވެސް ބުނެފައިވެއެވެ.
ރަޖިސްޓްރޭޝަން ފުރިހަމަކުރުމަށްފަހު ލިބޭ ކޮންފާމޭޝަން ސޭވްކޮށް، ތައިލެންޑަށް އެތެރެވާއިރު ދައްކަންޖެހޭނެ ކަމަށް މޯލްޑިވިއަނުން މައުލޫމާތުދެއެވެ. މި އިންތިޒާމަކީ ދަތުރުވެރިންނަށް އިތުބާރާއެކު އަދި ތައްޔާރުވެގެން ދަތުރުކުރުމަށް މަގުފަހިކޮށްދިނުމަށް އެޅި ފިޔަވަޅެކެވެ.
✈️ Travelling to Thailand?
— MaldivianAero (@MaldivianAero) July 11, 2026
Before you fly, remember to complete your Thailand Digital Arrival Card (TDAC) 3 days before your arrival date.
📲 Simply scan the QR code in this post, complete your registration, and save your confirmation to present upon arrival in Thailand.… pic.twitter.com/5omqByrJSd
