ޢާއިޝަތު ރަފާޙް ޢަލީ
ކޮންމެ މުސްލިމަކުވެސް އޭނާގެ ދިރިއުޅުމުގެ ޙާލަތާ ގުޅޭ ޝަރުޢީ ޙުކުމްތައް ދަސްކުރުމަކީ ވާޖިބު ކަމެކެވެ. މިސާލަކަށް:
އަނބިމީހާ ނުވަތަ ފިރިމީހާއެއްނަމަ، ކައިވެނީގެ ޙައްޤުތަކާއި ޤަވާޢިދުތައް ދަސްކުރުން.
މައިންބަފައިންނަމަ، ދަރިން ތަރުބިއްޔަތުކުރުމުގެ ޤަވާޢިދުތައް ދަސްކުރުން.
ވިޔަފާރިވެރިއެއްނަމަ، ގަނެވިއްކުމުގެ ޤަވާޢިދުތައް ދަސްކުރުން.
އަވަށްޓެރިންނާ މެދު ޢަމަލުކުރަންވީ ގޮތްތައް ދަސްކުރުން.
ލޮބުވެތި އަޚުންނާއި އުޚުތުންނޭވެ! އާދަމްގެފާނު ބިމަށް ވަޑައިގަތީ ކީރިތި ޤުރުއާން ބާވައިލެއްވުމުގެ ކުރިން ކަމުގައިވީ ނަމަވެސް، ﷲ ތަޢާލާ އަޅުގަނޑުމެންނަށް ޤުރުއާނުގައި އެވާހަކަ ބަޔާންކޮށް ދެއްވަވާފައި އެބައޮތެވެ. މިއިން އަޅުގަނޑުމެންނަށް އުނގަންނައިދެނީ އިންސާނުންނަކީ ޤުރުއާނުގެ އަމުރުތަކުގެ މަތީގައި ނޫނީ ފާހަގަކޮށްލެވޭ ބައެއް ނޫން ކަމެވެ. އެހެންކަމުން، އަޅުގަނޑުމެން އިސްކަންދޭންވީ ޤުރުއާނަށެވެ.
އިސްލާމްދީނުގެ ފުރަތަމަ ދުވަސްކޮޅޫގައި މުޙައްމަދު ޞައްލަﷲ ޢަލައިހި ވަސައްލަމަ ވަޑައިގެން އުޅުއްވިއެވެ. މި ތިން ޖީލުގެ މުހިންމުކަން ވަރަށް ބޮޑެވެ. އެއީ އޭގެ ފަހުން އުއްމަތް އިމްތިޙާނު ކުރެވި، ގިނަ ޚިޔާލުތަކަކާއި ވިސްނުންތަކެއް އައި ހިނދު، އަދި ކޮންމެ މީހަކުވެސް އިސްލާމްދީނުގެ ނަމުގައި ގިނަ ވާހަކަތަކެއް ދެއްކި ހިނދު، ގިނަ މީހުން "އަހަރެން ކުރަންވީ ކޮން ކަމެއްތޯ؟" މިހެން އަހަން ފެށި ހިނދުގައެވެ. މިފަދަ ޙާލަތްތަކުގައި އަޅުގަނޑުމެން އެނބުރި ދާންވީ އިސްލާމްދީނުގެ ފުރަތަމަ ތިން ޖީލުގެ ބޭކަލުން ޢަމަލުކުރެއްވި ގޮތަށެވެ. މި ޢިލްމު ހޯދުމަށް މަސައްކަތްކުރުމަކީ ކޮންމެ މުސްލިމެއްގެ ވާޖިބެކެވެ.
މި މުހިންމު މަޢުލޫމާތުތައް ދަސްކޮށް، އަމަލީ ގޮތުން ތަޠްބީޤުކުރުމަކީ ކޮންމެ މުސްލިމެއްގެ ޒިންމާއެކެވެ. މިގޮތުން އަޅުގަނޑުމެން އަބަދުވެސް އިސްލާމްދީނުގެ އަސްލުތަކަށް ރުޖޫޢަވެ، ޤުރުއާނާއި ސުންނަތުގެ އަލީގައި ދިރިއުޅުން ބައްޓަންކުރަން މަސައްކަތްކުރަންވާނެއެވެ.
- ޝައިޚް ޑރ. ސާޖިދު ޢުމަރުގެ ދަރުސަކުން
