އިސްލާމީ ފުތޫޙާތުގެ ދާއިރާ ފުޅާކުރުމަށްޓަކައި ކުރެވުނު ހަނގުރާމަތަކުގެ ތެރެއިން ފާހަގަކޮށްލެވޭ އެއް ހަނގުރާމައަކީ ޤާދިސިއްޔާ ހަނގުރާމައެވެ. އޭރުގެ ވަރުގަދަ ފާރިސީ ރަސްކަން ނުވަތަ ފާރިސީ އެމްޕަޔަރ ވެއްޓިގެން ދިޔައީ މިހަނގުރާމައިގެ ސަބަބުންނެވެ. މިހަނގުރާމައިގެ ސަބަބުން ޢިރާޤާއި ޚުރާސާނާއި ތުރުކިސްތާނު ފަތަޙަ ކުރަން މުސްލިމުންނަށް ފަސޭހަވެގެންދިޔައެވެ. އެކަމުގެ ދޮރުތައް ހުޅުވި މަގުތައް ފަސޭހަވެގެން ދިޔައެވެ. އިސްލާމީ ތާރީޚުގެ ފަތްފުއްތަކުގައި ރަން އަކުރުން ލިޔެވިފައިވާ މި ހަނގުރާމަ ހިނގީ ދެވަނަ ޚަލީފާ ޢުމަރު ބްނުލް ޚައްޠާބު ރަޟިޔަ ﷲ ޢަންހުގެ ޚިލާފަތުގެ ދުވަސްވަރުގައެވެ. ހިޖްރައިން 15 ވަނަ އަހަރުގެ ޝަޢުބާންމަހުގެ ތެރޭގައެވެ. މީލާދީ ސަނަތުން 636 ވަނަ އަހަރުގެ ސެޕްޓެމްބަރު މަހުގެ ތެރޭގައެވެ.
ފޮތް ވިދާޅުވުމަށް ލިންކަށް ފިއްތަވާލައްވާ: book
