މިލިޔުން ޚާއްޞަކޮށް މިލަނީ ރޭގަނޑު ނިދީން ހޭލެވުމުންވެސް ދިމާވާ ގޮތަކުން ކަންނެތްވެ ރޭއަޅުކަން ނުކުރެވޭ މީހުންނަށެވެ. ޔަޤީނުންވެސް މިއީ ފައިދާހުރި އަޅުކަމެވެ.
ޤަތާދަތު ބިން ނުޢުމާން ރަޟިޔަﷲ ޢަންހު ރޭގަނޑެއްގެ ހަތަރުދަން ހޭދަވަންދެން އިޚްލާޞް ސޫރަތް ކިޔަވާ ވިދާޅުވުމުން ކުރެއްވެވި ޙަދީޘްފުޅު-
އެއްފަހަރަކު قتادة بن النعمان رضى اللّـه عنــه ރޭގަނޑެއްގެ ހަތަރުދަން ހޭދަވަންދެން އިޚްލާޞް ސޫރަތް ކިޔަވާ ވިދާޅުވިއެވެ. ހެނދުނުވުމުން އެކަލޭގެފާނު މާތް ރަސޫލާ صلّى اللّـه عليه وسلّم ގެ އަރިހަށް ވަޑައިގެން އެވާހަކަ ދެންނެވުމުން ޙަދީޘް ކުރެއްވިއެވެ.
[ތިމަންކަލޭގެފާނުގެ ފުރާނަފުޅު އެފަރާތެއްގެ ބާރުފުޅުދަށުގައިވާ ފާރާތް ގަންދީ ވިދާޅުވެމެވެ. ޝައްކެއްނެތް ގޮތުގައި އެ ސޫރަތް ޤުރްއާނުގެ ތިންބައިކުޅަ އެއްބަޔާ ނުވަތަ ދެބައިކުޅަ އެއްބަޔާ އެއްވަރުވެގެންވެއެވެ.]
{މުސްނަދު އިމާމު އަޙްމަދު، ހަތަރުވަނަ ވޮލިޔުމް، ޞަފްޙާ 32، ޙަދީޘް ނަންބަރު 11115}
- ޢަލީ އިޙްޞާން ފިރާޤް
