ވައިގެ މަގުން ރާއްޖެ ގެނައި މުދާ ޝިޕްމަންޓެއްގެ ތެރޭގައި ފޮރުވައިގެން ރާއްޖެ އެތެރެކުރަން އުޅުނު ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސް ސަރވިސްއިން އަތުލައިގެންފިއެވެ.
ކަސްޓަމްސްއިން ހާމަކުރި މަޢުލޫމާތުގައިވާ ގޮތުން، މި އޮޕަރޭޝަންގައި އަތުލައިގެންފައިވަނީ ޖުމްލަ 3.8 ކިލޯގެ ކެނަބިސް އެވެ.
މި ތަކެތި އަތުލައިގަތީ ހުކުރު ދުވަހު ވައިގެމަގުން ރާއްޖެ ގެނެސްފައިވާ އެއަރފްރައިޓް ޝިޕްމަންޓެއްގެ ތެރޭގައި މަސްތުވާތަކެތި ފޮރުވާފައި ހުރިކަމަށް ޝައްކުކުރެވިގެން، އެ ޝިޕްމަންޓް އިތުރަށް ބަލައި ފާސްކުރުމުގެ ތެރޭގައި ކަމަށް ކަސްޓަމްސްއިން މަޢުލޫމާތު ދެއެވެ.
