ހުޅުމާލެ ފޭސް 2 ގައި ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓެއްގައި ސީރިއަސް އަނިޔާތަކެއް ލިބުނު އުމުރުން 62 އަހަރުގެ މުޙައްމަދު އަފީފު ނިޔާވެއްޖެއެވެ.
އޭނާ ނިޔާވެފައިވަނީ މިދިޔަ މަހުގެ 31 ވަނަ ދުވަހު ހިނގި އެކްސިޑެންޓާ ގުޅިގެން ލިބުނު އަނިޔާތަކަށް ޓްރީޓޮޕް ހޮސްޕިޓަލުގެ އައިސީޔޫގައި ފަރުވާ ދެމުން ދަނިކޮށެވެ.
މި އެކްސިޑެންޓް ހިނގާފައިވަނީ ހުޅުމާލެ ފޭސް 2 ގެ ދުނބުރިގަސްމަގާއި ހީނާމާހިނގުން ގުޅޭ ކަންމަތީގައެވެ. މި ހާދިސާ ހިނގި ވަގުތު ސައިކަލުގެ ފަހަތުގައި އިން އަފީފުގެ 24 އަހަރުގެ ދަރިފުޅަށްވެސް ވަނީ އެކިވަރުގެ އަނިޔާތައް ލިބިފައެވެ.
މި އެކްސިޑެންޓުގައި ނިޔާވި މުޙައްމަދު އަފީފަކީ މާލެއާއި ހުޅުމާލޭގެ އެކި ސްކޫލްތަކުގައި ގިނަ ދުވަސްތަކެއް ވަންދެން ތަޢުލީމީ ދާއިރާއަށް އަގުހުރި ޚިދުމަތްތަކެއް ކޮށްދެއްވާފައިވާ ޓީޗަރެކެވެ.
