އަހަރެން އެގެއަށް ދިއައީ ނޯކަރަކަށެވެ. އެއީ އާދައިގެ ގެއެއް ނޫނެވެ. ބިލިއަނަރެއްގެ ގެއެވެ. އޭނާގެ އަންތބަކު ހުރެއެވެ. ބޮޑު ދައިތައަކުވެސް ހުރެއެވެ. އުޅެމުން ދިއައީ އުފާވެރި ދިރިއުޅުމެކެވެ.
ކުޑަދުވަސްކޮޅެއްގެ ތެރޭގައި އެކްސިޑެންޓްވެ މައިބަދައަށް ލިބުނު އަނިޔާއެއްގައި އޭނާއަށް ދެން ހިނގޭނެ ކަމުގެ އުންމީދު އެކުގައި ނެތިގެންދިއައެވެ. އެހިސާބުން ކުންފުނީގެ ވިޔަފާރިން އޭނާ ބޡަކީކޮށްލިއެވެ. އެކައުންޓްތައް ފްރީޒްކޮށްލިއެވެ. ދެރަނުދޭނީ ކާކު ހެއްޔެވެ؟ ލޯބިވާ އަނބިމީހާވެސް އޭނާ ދޫކޮށްލާފައި ދިއައީއެވެ. އެކަނިވީއެވެ.
އަހުރެންގެ ނިންމުން ތަފާތުކުރީމެވެ. ކޮންމެ ޙާލެއްގައިވެސް އޭނާ ދޫކޮށްލާފައި ނުދިއުމަށެވެ. އިންސާނަކަށްވީތީ އޭނާއަށް ޚިދުމަތްކުރަން ހުރުމަށެވެ. ކުރި މަސައްކަތުން ހިނގުނީ 6 މަސްފަހުންނެވެ. އޮފީހަށް ނުކުމެވޭގޮތްވުމުން ފުރަތަމަ ކަމަކަށްވެސް އޮފީހުގެ ހުރިހާ ކަމެއް އޭނާގެ ބާރުގެދަށަށް ގެންދިއައެވެ. ވަރިވެގެންދިއަ އަނބިމިހާވެސް އެހިސާބުން އޭނާއާއި ގުޅެން ބޭނުންވިއެވެ. ނަމަވެސް ޢޭނާ އެކަން ޤަބޫލުނުކުރީއެވެ.
ހުރިހާ ކަމެއް ހަމަޖެހިނިމުނުތާ މަސްދުވަސްފަހުން އެއްރޭ ކެއުމަކަށް ދަޢުވަތުދީ ގޭގައި މަޑުކުރަން ބުނުމުން މަޑުކުރީމެވެ. އެކަންވީ ހަމައެކަނި ކެއުމަކަށް ނޫނެވެ. އޭނާ އަހުރެންނަށް ލޯބިހުށަހެޅީއެވެ. އެއިރު އަހަރެންނަށްވެސް އޭނާދެކެ ލޯބިވެވޭތީ އެކަން އަހަރެން ޤަބޫލުކުރީއެވެ. ޤަބޫލުކުރުމުން ކައިވެނިކުރީއެވެ.
މިއީ ބިލިއަނަރު ޖޯސެފްގެ އަނބިމީހާ ޖީނާ އޭނާގެ ޙަޔާތް ފޭސްބުކުގައި ލިޔެފައިވާ ގޮތުގެ ވަރަށް ކުރު ޚުލާޞާއެކެވެ. މިވާހަކަކޮޅު މިއަދުނޫހުގެ ކިޔުންތެރިންނަށް ގެނެސްދިން ބޭނުމަކީ ލޯތްބަކީ ކޮބައިކަމާއިމެދު މިދެކެވޭ ވާހަކަތަކުގެ ތެދުކަން ބަޔާންކުރުމެވެ. މިއީ ބިލިއަނަރެއްގެ ޙަޔާތެވެ. ދެރަގޮތެއް ދިމާވުމުން އަނބިމީހާވެސް އޭނާދޫކޮށްލާފައި ދިއައީއެވެ. އެންމެ ބޮޑަށް ފާހަގަކުރަން ބޭނުންވަނީ އިންސާނިއްޔަތަށްޓަކައި މީހަކަށް ރަޙުމްކޮށް ކެތްތެރިވެލުމުން އެނިކަމެތި އަންހެންކުއްޖާއަށް ކުރި ބޮޑު ފައިދާއެވެ. ވިސްނައިފި ކޮންމެ މީހަކަށް ޢިބްރަތަކަށް ފުދޭނެއެވެ.
- ޒަޢީމާ / މިއަދުނޫހުގެ ކިޔުންތެރިއެއް
- ޢިބްރަތްތެރި ވާހަކަ-
