ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ރާއްޖޭގެ ހަތް ރަށެއްގައި އައުޓްޑޯ ޖިމް ހެދުމުގެ މަސައްކަތް ކާމިޔާބުކަމާއެކު ނިންމާލައިފިއެވެ.
އެޗްޑީސީން އައުޓްޑޯ ޖިމްތައް ތަރައްޤީކޮށް ނިންމާފައިވާ ރަށްތަކަކީ އއ. ފެރިދޫ، އއ. އުކުޅަސް، އދ. ދިގުރަށް، އދ. ފެންފުށި، އދ. މާމިނގިލި، އދ. މަންދޫ އަދި ބ. ގޮއިދޫއެވެ. މި މަޝްރޫޢަކީ އެ ކުންފުނީގެ އިޖުތިމާޢީ ޒިންމާ (ސީއެސްއާރް) ގެ ދަށުން ޒަމާނީ ވަސީލަތްތަކާއެކު ކުރިއަށްގެންދިޔަ މަޝްރޫޢެކެވެ.
އެ ކުންފުންޏާ ހަވާލުކޮށްފައިވާ އިތުރު އައުޓްޑޯ ޖިމްތަކުގެ މަސައްކަތްތައް ވެސް ކަނޑައެޅިފައިވާ ތާރީޚަށް ނިންމުމަށްޓަކައި އެޗްޑީސީން މިހާރު ވެސް ދަނީ މަސައްކަތް ކުރަމުންނެވެ.
