ލޮބުވެތި އެކުވެރިންނޭވެ! ކޮންމެ މީހަކަށްވެސް އެންމެ ބޮޑަށް ކަންބޮޑުވެވޭނެ އެއްވަޤުތަކީ ގާތް މީހެއްގެ ސަބަބުން ނަމަވެސް ހިތްދަތިކަމާއި ނުތަވަސްކަން ކުރިމަތިވާނެ ވަޤުތެވެ. ކުރިމަތީގައި ހުރެގެން މީހަކު ނުބައިބަސްތައް ބުނާނެ ވަޤުތެވެ.
އެފަދަ ވަޤުތެއް ކުރިމަތިވެއްޖެނަމަ އެއީ ﷲ ތަޢާލާ ލައްވަވާ ވަރަށް ބޮޑު ރަޙްމަތެކެވެ. އަވަހަށް ދެއަތް އުފުލައިލާފަ ދަންނަވާށެވެ! "ޔާ ﷲ! މިއަޅާއަށް ކުރިމަތިވި ކަންތަކަށް ކެތްތެރިވުމުގެ ހިތްވަރު ދެއްވަވާނދޭވެ!" އަދި އެވަރުން ނިންމައިނުލާށެވެ! ވިއްދައިގެން ތިބާއަށް ބޭނުންވެގެން ހުރި ކަންކަމުގެ ވާހަކަ ދަންނަވައި ދުޢާކުރާށެވެ! އެއީ ތިބާގެ ދުޢާ ޢިޖާބަކުރައްވަވާނެ ވަޤުތެކެވެ. އިން ޝާ ﷲ. ސަބަބަކީ އެވަޤުތަކީ ތިބާއަށް އަނިޔާލިބެމުންދާ ވަޤުތަކަށްވާކަމެވެ.
މީހަކު ތިބާ ދެރަކޮށް، ހިތުގަ ޖައްސުވައި އަނިޔާވެރިވާނަމަ އެކަމަށް ރައްދުނުދީ ކެތްތެރިވެ ދުޢާކުރުމަކީ އެމީހެއްގެ ދަރަޖަ ﷲ ތަޢާލާގެ ޙަޟްރަތުގައި މަތިވެރިކުރައްވަވާނެ ކަމެކެވެ. ވީމާ ކަންބޮޑުވެ ރައްދުނުދޭށެވެ. ﷲ ތަޢާލާގެ ރަޙްމަތަށް އެދޭށެވެ.
މިދެއްކި ވާހަކަތަކުގެ ދަލީލު ޔޫސުފްގެފާނުގެ ސިޔަރަތުން ލިބޭނެއެވެ.
- މުފްތީ މެންކުގެ ދަރުސަކުން
