އަމީނީ މަގުގައި މަރާމަތުކުރުމުގެ މަސައްކަތް ކުރިއަށްދިޔަ ސަރަޙައްދު ނިންމައި، އާންމު ދަތުރުފަތުރުކުރުމަށް މިހާރު ރަސްމީކޮށް ހުޅުވާލައިފިއެވެ.
މި މަސައްކަތާ ގުޅޭގޮތުން އެމްޓީސީސީ އިން ބުނެފައިވަނީ، އަމީނީ މަގުގެ މަރާމަތުގެ މަސައްކަތް ނިންމުމަށްފަހު ސެގްމަންޓް 1 އަދި 2 މިހާރު އާންމުންނަށް ރަސްމީކޮށް ހުޅުވާލާފައިވާ ކަމަށެވެ.
އެ ކުންފުނިން އިތުރަށް ހާމަކުރި ގޮތުގައި، މި ސަރަޙައްދު ދަތުރުފަތުރަށް ހުޅުވާލުމުގެ ކުރިން މަގުމަތީގައި ހުރި ކުނިބުންޏާއި ގައުތައް އެއްކޮށް ސާފުކޮށްފައިވެއެވެ. މިއީ މަގު ބޭނުންކުރާ ފަރާތްތަކަށް ރައްކާތެރި އަދި ފަސޭހަކަމާއެކު ދަތުރުފަތުރު ކުރެވޭނެ އިންތިޒާމު ހަމަޖެއްސުމުގެ އިތުރުން، ދަތުރުފަތުރުގެ ގުޅުން ރަނގަޅުކޮށް، މާލޭގެ މަގުތަކުގެ ފެންވަރު މަތިކުރުމުގެ ގޮތުން ކުރެވުނު މަސައްކަތެކެވެ.
