ތުތި ބޯވަދިލަމަހުގެ މަސްވެރިކަމުގެ ތަމްރީން ޕްރޮގްރާމް ގއ.ވިލިނގިލީގައި ކުރިއަށްގެންގޮސްފިއެވެ.
ދިވެހިރާއްޖޭގެ ކަނޑުގެ މުއްސަނދިކަން އެންމެ ފުރިހަމަގޮތުގައި ބޭނުންކުރުމުގެގޮތުން، ދިވެހިރާއްޖޭގެ މާކަނޑުގެ ފުން ސަރަހައްދުގައި ދިރިއުޅޭ ތުތި ބޯވަދިލަމަހުގެ (ޑައިމަންޑް ބެކް ސްކުއިޑް) މަސްވެރިކަން އާލާ ކުރުމުގެ ގޮތުން މިމަސްވެރިކަން ދަސްކުރުމަށް ޝަޢުގުވެރިވާ ފަރާތްތަކަށް އަމާޒުކޮށް މި މިނިސްޓްރީގެ ފަރާތުން ކުރިޔަށް ގެންދާ "ތުތި ބޯވަދިލަމަހުގެ މަސްވެރިކަމުގެ ތަމްރީން" ގއ. ވިލިގިލީގައި މި މަހު 3 އިން 4 އަށް 08 ބައިވެރިންނާއި އެކުގައި ވަނީ ކުރިއަށް ގެންގޮސްފައެވެ.
މި ތަމްރީން ޕްރޮގްރަމް ބޭއްވުމުގެ މަގްސަދަކީ އާބަވަތެއްގެ މަސްވެރިކަން ތައާރަފް ކުރުމާއި ޒުވާނުން މަސްވެރިކަމަށް އަހުލުވެރިކުރުމެވެ.
މި ތަމްރީންގެ ފުރަތަމަ ބުރު 15 ސެޕްޓެމްބަރ ގައި ފުވައްމުލައްސިޓީގައި 14 ބައިވެރިންނާއި އެކު ވަނީ ބާއްވާފައެވެ.
މީގެއިތުރުން މި ތަމްރީނުގެ ދެވަނަ ބުރު ގދ. ފިޔޯރީގައި ކުރިޔަށް ގެންދިއުމަށް ވަނީ ހަމަޖެހިފައެވެ.
ހަބަރު: ސަރުކާރު
