ށ. ނަރުދޫ ޞިއްޙީ މަރުކަޒުގައި ލެބޯޓަރީގެ ޚިދުމަތް ރަސްމީކޮށް ފަށައިފިއެވެ. އެ ރަށު ޞިއްޙީ މަރުކަޒުގައި މި ޚިދުމަތް ރަސްމީކޮށް ފައްޓަވައިދެއްވީ ޞިއްޙީ ވަޒީރު ޢަބްދުﷲ ނާޡިމް އިބްރާހީމް ނުވަތަ ޞިއްޙީ ވުޒާރާގެ އިސްވެރިންނެވެ.
ރާއްޖޭގެ މީހުން ދިރިއުޅޭ ހުރިހާ ރަށެއްގައި ލެބޯޓަރީގެ ޚިދުމަތް ޤާއިމުކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅެކެވެ. އެގޮތުން ނަރުދޫ ޞިއްޙީ މަރުކަޒުގެ ލެބޯޓަރީއަކީ މި ސަރުކާރުން އަތޮޅުތަކުގައި ހުޅުވި 21 ވަނަ ލެބޯޓަރީކަން ފާހަގަކުރެވެއެވެ.
މީގެއިތުރުން، ރާއްޖޭގައި ލެބޯޓަރީގެ ޚިދުމަތް ނެތް 76 ރަށެއްގައި އެ ޚިދުމަތް ޤާއިމުކުރުމުގެ މަސައްކަތް ސަރުކާރުން ބާރު ސްޕީޑުގައި ކުރިއަށް ގެންދާކަމަށް މަޢުލޫމާތު ލިބެއެވެ.
ނަރުދޫގައި މި ޚިދުމަތް ފެށުމާއެކު، އެކި ކަހަލަ ޓެސްޓުތައް ހެދުމަށްޓަކައި ރަށުން ބޭރަށް، އެހެން ރަށްރަށަށް ދަތުރުކުރަންޖެހޭ ތަކުލީފަށް ނިމުމެއް އައިސް، އަމިއްލަ ރަށުން ފަސޭހަކަމާއެކު ލެބޯޓަރީގެ ޚިދުމަތް ލިބޭނެ މަގު އެ ރަށުގެ ރައްޔިތުންނަށް މިހާރު ވަނީ ތަނަވަސްވެގެން ގޮސްފައެވެ.
