ދިވެހި ފުލުހުންގެ ޚިދުމަތުގެ ރަސްމީ ތަރުޖަމާނުގެ މަގާމަށް އިންސްޕެކްޓަރ އޮފް ޕޮލިސް އަޙްމަދު ޝިޔާމް ހަމަޖައްސައިފިއެވެ.
އިންސްޕެކްޓަރ އަޙްމަދު ޝިޔާމް މި މަގާމާ ހަވާލުވެވަޑައިގަތީ މީގެ ކުރިން ތަރުޖަމާނުގެ މަސްއޫލިއްޔަތު އަދާކުރައްވަމުން ގެންދެވި ސުޕްރިންޓެންޑެންޓް އޮފް ޕޮލިސް އާރިފް ގެ ބަދަލުގައެވެ.
ފުލުހުންގެ މީޑިއާ އޮފިޝަލް ކަމަށް ގެނައި މި ބަދަލާއެކު، ދިވެހި ފުލުހުންގެ ޚިދުމަތުގެ ފަރާތުން މީޑިއާތަކަށް މައުލޫމާތު ފޯރުކޮށްދިނުމާއި އާންމު ހޭލުންތެރިކަން އިތުރުކުރުމުގެ ކަންކަމުގައި އެންމެ އިސްކޮށް ހަރަކާތްތެރިވެވަޑައިގަންނަވާނީ ޝިޔާމެވެ.
އިންސްޕެކްޓަރ އޮފް ޕޮލިސް އަޙްމަދު ޝިޔާމަކީ މީގެ ކުރިންވެސް ފުލުހުންގެ މީޑިއާގެ އެކި ކަންކަން ހިންގުމާއި ބެލެހެއްޓުމުގައި އިސް ދައުރެއް އަދާކުރައްވައި، ގިނަ ތަޖުރިބާތަކެއް ހޯއްދަވާފައިވާ ބޭފުޅެކެވެ.
