މެލޭޝިއާގައި މިއަދު ހިނގި ނުރައްކާތެރި ކާރު އެކްސިޑެންޓެއްގައި ދިވެހި އަންހެން ދަރިވަރަކު ނިޔާވެއްޖެއެވެ.
މި އެކްސިޑެންޓުގައި ނިޔާވެފައިވަނީ ސ. ހިތަދޫ، މާރިޝް، އާމިނަތު އިމީލީ ނާޒިމް (21އ) އެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ މެލޭޝިއާގައި ދިވެހި ދެ އަންހެން ދަރިވަރުން "ގްރެބް" ޓެކްސީއެއްގައި ދަތުރުކުރަނިކޮށެވެ. މި އެކްސިޑެންޓުގައި އިމީލީގެ ބޮލަށް ބޮޑެތި އަނިޔާތަކެއް ލިބިފައިވާ ކަމަށް މައުލޫމާތު ލިބެއެވެ.
މި ކާރުގައި އިން ދެވަނަ ދިވެހި ދަރިވަރަށްވެސް އަނިޔާވި ނަމަވެސް، އެ ކުއްޖާގެ ހާލު ސީރިއަސް ނޫން ކަމަށް މައުލޫމާތު ލިބިފައިވެއެވެ.
މި ހާދިސާއާ ގުޅިގެން އިތުރު މައުލޫމާތު އަންނަނީ ސާފުކުރަމުންނެވެ.
