ޕީޕީއެމްގެ ނައިބް ރައީސް ޢަބަދުއްރަހީމް ޢަބދުﷲ (އަދުރޭ) މިއަދު އޭސީސީއަށް ހާޒިރު ކުރި މައްސަލައިގެ އިތުރު މައުލޫމާތެއް ލިބޭނެ ގޮތެއް ނުވިއެވެ.
އޭސީސީގެ މީޑިއާ އޮފިޝަލް "ފަހުގެ މަރުޙަލާއެއްގައި ހާމަކުރަންޖެހޭ މައުލޫމާތު ހާމަކުރާނެ ކަމަށް" ކޮމިޝަނުގެ މެންބަރުން ވިދާޅުވި ކަމަށެވެ. "އޭސީސީ އިން ހޯދަން ބޭނުންވި މައުލޫމާތު ލިބުނުތޯ؟" ކުރި ސުވާލަށް ވެސް ވަނީ ޖަވާބު ނުލިބިފައެވެ.
އަދުރޭ މިއަދު އޭސީސީއަށް ހާޒިރުކުރީ އެމްއެމްޕީއާރުސީ އިން ހިންގާފައިވާ ބޮޑު ޚިޔާނާތުގެ މައްސަލައިގެ ތެރެއިން އެމްޑީޕީގެ ބައަކަށް ފައިސާ ލިބިފައިވާކަމަށާއި އެކަމުގެ މައުލޫމާތު އެނގޭ ކަމަށް އަދުރޭ ބުނުމުންނެވެ.
