ރައީސް ޔާމީނުގެ 2 ވަނަ ނައިބް ރައީސް އަޙްމަދު އަދީބް ބޭސް ފަރުވާއަށް އިންޑިއާގެ ބެނގަލޫރަށް ފުރާވަޑައިގެންފިއެވެ. އަދީބް ދަތުރުފުޅު ކުރައްވަނީ ކަރެކްޝަނަލް ސަރވިސްގެ 3 އޮފިސަރުންނާއި ފުލުހަކާއިވެސް އެކުގައެވެ. 2 ފުލުހުން މިހާރު ވަނީ އިނޑިއާގައެވެ.
ބޭސްފަރުވާއަށް އަދީބް ބެންގަލޫރަށް ފޮނުވި ނަމވެސް ފިއްލެވުމުގެ އެއްވެސް ފުރުޞަތެއް ނުއޮންނާނެ ކަމަށް ހޯމް މިނިސްޓްރީން ވަނީ ބުނެފައެވެ. އަދި އަދީބް ރާއްޖެއިން ބޭރަށް ފޮނުވަނީ އިތުރު އެއްވެސް ގޮތެއް ނެތިގެން ކަމަށްވެސް ބުނެފައިވއެވެ.
އަދީބް ރާއްޖެއިން ބޭރަށް ފޮނުވާތީ އެކަމާއި ދެކޮޅަށް އެމްޑީޕީއަށް ނިޞްބަތްވާ ގަލުޅު ދެކުނު ދާއިރާގެ މެންބަރު މީކާއީލް ނަސީމް ވަނީ ރައްޔިތުންގެ މަޖިލީހަށް ޤަރާރެއްވެސް ހުށަހަޅުއްވައިފައެވެ.
