މުޖުތަމައުގައި މިހާރު އޮތް އެންމެ ބޮޑު އެއް މައްސަލައަކީ ކައިވެނީގެ ގުޅުން ބަދަހިކޮށް ކައިވެނި ދިރުވައި ދެމެހެއްޓުމުގެ މައްސަލައެވެ. އެންމެންހެން މިއުޅެނީ އެކަން ނުކުރެވިގެންނެވެ. އެހެންކަމުން އެކަން ކުރެވިދާނެ ގޮތާއިބެހޭ ގޮތުން ވަރަށް ގިނަ ބައަކު ސުވާލު ކުރެއެވެ.
އަޅެ ނިކަން މި 10 ކަންތަކުގައި ހިފަހައްޓައިބަލާށެވެ! ތަފާތެއް ފެންނާނެއެވެ! އިން ޝާ ﷲ!
1 ދެމީހުން އެކުގައި ނަމާދުކުރާށެވެ!
2 ކޮންމެ ދުވަހަކުވެސް ބައިވެރިޔާއަށް ތަޢްރީފް ކުރާށެވެ!
3 ބައިވެރިޔާ ބަދަލުކުރަން އުޅުމުގެ ބަދަލުގައި ތިމާ ބަދަލުވާށެވެ!
4 ބައިވެރިޔާގެ ކިބައިން ޙާޞިލުކުރަން ބޭނުންވާ ކަންކަން މަދުކުރާށެވެ!
5 އަނެކާ އުފާވާ ކަންކަން ދެނެގަނެ ދެމީހުން ދެމީހުން އުފާވާކަންކަން ކުރުން ގިނަކުރާށެވެ!
6 އެކަކު އަނެކެއްގެ ކުށް ހޯދަން ނުއުޅެ ހުންނަ ރަނގަޅު ސިފަތައް ފާހަގަކުރާށެވެ!
7 އަނެކާއަކީ އަޅެއް ނުވަތަ ލިބިފައިވާ މުދައުގަނޑެއް ކަމަށް ނުދެކޭށެވެ.!
8 ރުޅިވެރިކަމާ ހަސަދަވެރިކަން އެއްގޮތަކަށްވެސް ނުބާއްވާށެވެ!
9 އެކަކު އަނެކަކަށް މާފުކުރުން ގިނަކުރާށެވެ!
10 އެކަކު އަނެކަކަށް އަބަދުވެސް އިޙްތިރާމްކުރާށެވެ! ވާހަކަ ދެއްކުމުގައިވެސް ކަންކަން ކުރުމުގައިވެސް ފުރަތަމަ ކުރާ ކަމަކީ އިޙްތިރާމްކުރުން ކަމުގައި ހަދާށެވެ!
