އެސްޓީއޯ އާއި ޑރ ރެޑީ ފާމާރ ގުޅިގެން ދުނިޔޭގެ ހިތުގެ ދުވަސް ފާހަގަކުރުމުގެ ގޮތުން "ކާޑިއޯސްފިއަރ ކޮންފަރެންސް" ގެ ނަމުގައި ސެމިނާ އެއް އައިޖީއެމްއެޗާއި އޭޑީކޭ އަދި ޓްރީޓޮޕްގެ ޑޮކްޓަރުންނާއި ނަރުހުންނަށް އަމާޒުކޮށްގެން ބާއްވައިފިއެވެ.
ހޮޓެލް ޖެންގައި އިއްޔެ ބޭއްވި މި ސެމިނާގައި އޭޑީކޭ އާއި އައިޖީއެމްއެޗް އަދި އިންޑިއާގެ އަމްރީތާ ހޮސްޕިޓަލުގެ ޑޮކްޓަރުން މަޢުލޫމާތު ދެއްވެވިއެވެ.
ހިތާއި ލޭނާރުގެ ބަލިތަކުގައި ދުނިޔޭގެ އެކިކަންކޮޅުތަކުގައި 17.5 މިލިޔަން މީހުން މަރުވަމުން ދާއިރު، މިފަދަ ދުވަހެއް ފާހަގަކުރުމުގެ ބޭނުމަކީ މިފަދަ ބަލިތަކާމެދު ހޭލުންތެރިކަން އިތުރުކުރުމެވެ.
