ބޮޑު އަގުގައި ގުޅިފަޅުގެ ބިން ހިއްކަން ބޮސްކާލިސް އަށް ދިން މައްސަލަ އޭސީސީ އިން ބަލަން ފަށައިފިއެވެ.
މިއަދުނޫހުން ދެންނެވި ސުވާލަކަށް ޖަވާބު ދެއްވަމުން އޭސީސީގެ މީޑިއާ އޮފިޝަލް ވިދާޅުވީ މައްސަލަ ބަލަމުން ގެންދަނީ އެކޮމިޝަނުން އިސްނަގައިގެން ބަލާ މައްސަލައެއްގެ ގޮތުގައި ކަމަށެވެ.
"މީޑިއާތަކުން ކޮމިޝަނުގެ ސަމާލުކަމަށް ގެންނަ މައްސަލަތައްވެސް އަދި އަމިއްލަ ފަރާތްތަކުން ކޮމިޝަނުގެ ސަމާލުކަމަށް ގެންނަ މައްސަލަތައްވެސް ކޮމިޝަނުން ދަނީ ބަލަމުން. މި މައްސަލަ ބަލަންފަށާފައިވަނީ ކޮމިޝަނުން އިސްނަގައިގެން ބަލާ މައްސަލައެއްގެ ގޮތުގަ." ކަމަށްވެސް މީޑިއާ އޮފިޝަލް ވިދާޅުވިއެވެ.
ރާއްޖެއިން ކޮރަޕްޝަން ފިލުވައިލަން މިސަރުކާރުން އިސްނަގައިގެން ކުރަމުން ގެންދާ މަސައްކަތްތަކުގެ ތެރެއިން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ކޮރްޕްޝަންގެ މައްސަލައެއް ކަމަށް ހިމެނޭ މައްސަލަތައް ރިޕޯޓް ކުރުމަށް ޚާއްޞަ ޕޯޓެލް އެއްވެސް އިފްތިތާހްކޮށްދެއްވައި ރިޕޯޓްކުރީ ކާކުކަން ނުއެނގޭނެ ގޮތަށް ރިޕޯޓް ކުރެވޭނެ ގޮތް ވެސް ހަމަޖައްސަވައި ދެއްވައިފައެވެ.
އޭސީސީން ވެސް ގެންދަނީ ސޯޝަލް މީޑިއާ މެދުވެރިކޮށް އެ ކޮމިޝަނުގެ ސަމާލުކަމަށް ގެންނަ މައްސަލަތައްވެސް ބަލަމުންނެވެ. އެގޮތުން ޓްވިޓަރ މެދުވެރިކޮށްވެސް މައްސަލަތައް އެ ކޮމިޝަނުގެ ސަމާލުކަމަށް ގެނެވޭނެ ކަމަށް އޭސީސީން ވަނީ ބުނެފައެވެ.
In a bid to end corruption within the state, we have launched a new web portal https://t.co/O9ygBs0Hf6 where citizens could report issues of corruption anonymously. I am hopeful that this portal would prove an important and useful step in our ongoing fight against corruption.
— Ibrahim Mohamed Solih (@ibusolih) February 12, 2019
