ރަސްމީ ދަތުރުފުޅެއްގައި ހޯމް މިނިސްޓަރ އިމްރާން އަބްދުﷲ އިންޑިއާއަށް ފުރާވަޑައިގެންފިއެވެ.
ހޯމް މިނިސްޓްރީން މައުލޫމާތު ދެއްވި ގޮތުގައި މިއީ އިންޑިއާގެ ހޯމް މިނިސްޓަރ އަމިތު ޝާޙްގެ ދައުވަތަކަށް އެމަނިކުފާނު ކުރެއްވި ދަތުރުފުޅެކެވެ.
މިނިސްޓަރ އިމްރާންގެ މިދަރުރުފުޅާއި ގުޅޭގޮތުން އިތުރު މައުލޫމާތެއް އަދި ލިބިފައެއް ނުވެއެވެ.
ހޯމް މިނިސްޓަރ މިއަދު އިންޑިއާއަށް ފުރާވަޑައިގެންފައިވާއިރު، ދާދި ފަހުން ޑިފެންސް މިނިސްޓަރ މާރިޔާ އަހުމަދު ދީދީ ވެސް ވަނީ އިންޑިއާއަށް ދަތުރުފުޅެއް ކުރައްވާފައެވެ. އެދަތުރުފުޅުގައި އެޤައުމުގެ ޑިފެންސް މިނިސްޓަރު ރަޖްނަތް ސިންހާ މިނިސްޓަރ މާރިޔާ ބައްދަލުކުރައްވާފައިވެއެވެ.
