އިންޑިއާގެ އާސާމް ސްޓޭޓަށް ބޯކޮށް ވާރޭވެހި ބިންގަނޑު ކަނޑައިގެންގޮސް 20 މީހުން ދިރިތިއްބާ ވަޅުލެވިއްޖެއެވެ. މީގެ ތެރޭގައި އަންހެނުންނާއި ކުޑަކުދިންވެސް ހިމެނޭއިއރު އެއް ޢާއިލާއެއްގެ 6 މީހުންވެސް ހިމެނެއެވެ.
ރިޕޯޓްތައް ބުނާ ގޮތުން ހާލުބޮޑުވި 9 މީހަކު ވަނީ ހޮސްޕިޓަލަށް ގެންދެވިފައެވެ. އެމީހުންނަށް ގެއްލުން ލިބުނީ ފުރާނަސަލާމަތްކުރަން ފެތުމުގެ ތެރޭގައެވެ.
ބިންގަނޑު ކަނޑައިގެންދިއަ އެއް އަވަށަކީ ބަންގްލަދޭޝް އާއި އިންވެގެން އޮންނަ އަވަށެވެ. ފެންގަނޑު ބޮޑުވީ ބަރަކް ވެލީގައި ފެންގަނޑު ބޮޑުވެގެންކަމަށް ރިޕޯޓްތައް ބުނެއެވެ.
