ހުޅުމާލެ ފޭސް 2 ގައި ހިޔާ ޕްރޮޖެކްޓްގެ ދަށުން އިމާރާތް ކޮށްފައިވާ ހައުސިންގ ޔުނިޓުތަކުގެ ސަރަޙައްދުގައި މީހުން ދިރިއުޅެން ފެށުމުގެ ކުރިން އެސަރަހައްދުގައި އާއްމުކޮށް ބޭނުންވާނެ އަސާސީ ގިނަ ހިދުމަތްތަކެއް ފޯރުކޮށްދޭނެ ފަރާތަކެއް ހޯދުމަށް ޕްރޮޕޯސަލް ހުށަހެޅުމުގެ ފުރުޞަތު އިތުރުކޮށްފިއެވެ.
މިގޮތުން ކްލިނިކްއަކާއި ފާމަސީއެއްގެ އިތުރުން ސުޕަމާކެޓާއި ގްރޯސަރީ ސްޓޯރ އަދި ކެފެޓީރިއާ ހިންގުމަށް ހުޅުވާލެވުނު ފުރުޞަތުގައި ޕްރޮޕޯސަލް ހުށަހެޅުމުގެ ފުރުޞަތުވަނީ އިތުރުކުރެވިފައިވާއިރު މިގޮތަށް ބަދަލުކުރުމުގެ އެއްމެ ބޮޑު އެއް ބޭނުމަކީ، ގިނަ އަދަދެއްގެ ބޭފުޅުން މި ޔުނިޓްތައް ބަލާލުމަށް އެދިލެއްވުމުން އެ ފުރުޞަތު ފަހިކޮށްދިނުމާއި، ވީހާވެސް ގިނަ ފަރާތްތަކަށް މި ޔުނިޓްތަކަށް ޕްރޮޕޯސަލް ހުށަހެޅުމުގެ ފުރުޞަތު ދިނުން ކަމަށް އެޗްޑީސީ އިން ވަނީ ބުނެފައެވެ.
މިގޮތުން މިހާރު ކަނޑައެޅިފައިވާ އައު ތާރީޙު ތަކަކީ:
|
ސުޕަމާކެޓް |
28 ފެބްރުވަރީ 2021 |
17:00 – 16:00 |
ހުރަވީ ސްކޫލް |
|
ގްރޮސަރި ސްޓޯރ |
1 މާރިޗު 2021 |
17:00 – 16:00 |
ހުރަވީ ސްކޫލް |
|
ކެފެޓީރިއާ |
2 މާރިޗު 2021 |
17:00 – 16:00 |
ހުރަވީ ސްކޫލް |
|
ކްލިނިކް |
3 މާރިޗު 2021 |
17:00 – 16:00 |
ހުރަވީ ސްކޫލް |
|
ފާމަސީ |
4 މާރިޗު 2021 |
17:00 – 16:00 |
ހުރަވީ ސްކޫލް |
އެޗްޑީސީ އިން ބުނެފައިވަނީ މި ޔުނިޓްތައް ބަލާލުމަށް ބޭނުންފުޅުވާ ފަރާތްތަކަށް މި ޔުނިޓްތައް 11 ފެބްރުވަރީ 2021 ވަނަ ދުވަހު ދައްކާލުމަށް ވަނީ ހަމަޖެހިފައިވާކަމަށާއި އަދި މި ޔުނިޓުތަކާއި އާރް.އެފް.ޕީ އާއި ބެހޭ އިތުރު މަޢުލޫމާތު އެ ކޯޕަރޭޝަންގެ ވެބްސައިޓުން އަދި މައި ހުޅުމާލެ ޕްރޮޕަޓީ ވެބްސައިޓުން ލިބިވަޑައިގަންނަވާނެއެވެ.
ހިޔާ ކޮމާޝަލް ސްޓޭޖް 2 އަދި 3 ގެ ދަށުން ކްލިނިކް، ގޮރޯސަރީ ސްޓޯރގެ އިތުރުން ސެލޫން އަދި ބުކްޝޮޕް ފަދަ ހިދުމަތްތަކަށް ޔުނިޓްތައް ކަނޑައަޅާ އިޢުލާންކުރުމަށް ވަނީ ހަމަޖެހިފައެވެ.
