ތުރުކީގެ ވެރިރަށް އިސްތަންބޫލްގެ މައި އެއާޕޯޓަށް އިއްޔެ ދިން ހަމަލާގައި ސައުދިއަރަބިޔާގެ 2 މީހަކު މަރުވެ 25 މީހުންނަށް އަނިޔާވެފައިވެފައިވާކަމަށް ތުރުކީގައި ހުންނަ ސައުދީ އެމްބަސީން ބުނެފިއެވެ.
ސައުދީ އެމްބެސެޑަރު ޢާދިލް މުރްދާދް ވިދާޅުވީ ފުރަތަމަ ރިޕޯޓްތަކުގައި މިއަށްވުރެ ގިނަ މީހުން މަރުވި ކަމަށް ބުނެފައިވީނަމަވެސް ފަހުން އެނގުނު ގޮތުގައި މަރުވީ ސައުދީގެ 2 ރައްޔިތުން ކަމަށެވެ. އަދި ގެއްލުނު 4 މީހަކު މިހާރު ފެނިފައިވާ ކަމަށެވެ.
މިހާދިސާގައި 41 މީހަކު ވަނީ މަރުވެފައެވެ. އެއިގެ ތެރޭގައި 23 ތުރުކީން ހިމެނެއެވެ. މިހާދިސާގައި 230 މީހަކަށް އަނިޔާވެފައިވާކަން މިހާރު ވަނީ އެނގިފައެވެ.
ފަހުގެ ރިޕޯޓުތައް ބުނާގޮތުން ހަމަލާދީފައިވަނީ 3 މީހެކެވެ. އެ 3 މީހުންވެސް ވަނީ ޖާނުން ފިދާވެގެން މަރުވެފައެވެ.
ތުރުކީ އެއާޕޯޓަށް ދިން ހަމަލާގަ ސައުދީ 2 މީހުން މަރުވެ 25 މީހުން ޒަޚަމްވި
