ސައުދިއަރަބިޔާއަށް އެތެރެކުރަން އުޅުނު 300 ކިލޯ ހޭޝް އާ 1.75 މިލިއަން ގުޅަ ކެޕްޓަގޮން އަތުލައިގެންފިއެވެ.
300 ކިލޯގްރާމް ހޭޝް އަތުލައިގަތީ ބޯޓެއްގައި ކަނޑުމަގުން އެތެރެކުރަން އުޅެނިކޮށް ޢާސިރު ސަރަހައްދު ބަލަހައްޓާ ބޯޑަރގާޑުންނެވެ. މިތަކެތި ހުރި ބޯޓުގައި ތިބި ޔަމަނުގެ 2 މީހަކު ވަނީ ހައްޔަރުކޮށްފައެވެ.
1.75 މިލިއަން ގުޅަ ކެޕްޓަގޮން އަތުލައިގަތީ ޖިއްދާ ޕޯޓުގައި މަސައްކަތްކުރާ ކަސްޓަމް އޮފިސަރުންނެވެ. މިތަކެތި ފޮރުވާފައި ހުރީ އިލެކްޓްރޯނިކް ކޭބަލްތަކެއްގެތެރޭގައެވެ.
މީގެ އިތުރުން ޖިއްދާ އެއާޕޯޓުން ވައިގެ މަގުން 1.4 ކިލޯ ކޮކޭން އެތެރެކުރަން އުޅުނު 2 އަންހެނަކުވެސް ވަނީ ހައްޔަރުކޮށްފައެވެ.
މަސްތުވާތަކެތި އެތެރެކުރާ މީހުންނަށް ސައުދީ ސަރުކާރުން ގެންދަނީ މަރުގެ އަދަބުދެމުންނެވެ. އެހެންކަމާއިއެކުވެސް ގިނަ އަދަދެއްގެ މަސްތުވާތަކެތި އެތެރެކުރުމުގެ ބޮޑެތި މައްސަލަތައް ދަނީ ފެންމަތިވަމުންނެވެ.
ސައުދީއަށް އެތެރެކުރަން އުޅުނު 300 ކިލޯ ހޭޝް އާ 1.75 މިލިއަން ގުޅަ ކެޕްޓަގޮން އަތުލައިގެންފި
