އަވަށު އެންމެން ކޭންދޮށަށް އެއްކޮށް ބަހާ ކައި ހުސްކުރިން
ފަވަނަކާ މޮހޮރީއަކާ ފެނުނޭ މަށަށް ލޯތަށި ވަތުން
ހިތް ދެވިއްޖޭ އަލިފުޅަށް މިމަލާފަތުގެ ވީ ބާރަކުން
ހިތްހިފައިގެން ދުވެ މަގޮސް އަލިފުޅުގެ ގޭދޮށު މަޑުކުރިން،
އަށިމަތީ މެދުގޭތެރޭ އަލިފުޅު މޮޅިން އިންދާ މަގޮސް
ހަށިގަނޑާ ޖާނާ މަގޭ ހިބައިން މަ ދޭން އައިމޭ ބުނިން،
ބުންވަރާއެކު ތެދުވެގެން ގުންފައިޖަހައި ގޮސް ހެކިވެރިން
ދުންޖަހައި ކިޔަވައި ގެނެސް ކައިވެނި ކުރީ އުފަލުން ހެމުން،
