ސައުދިއަރަބިޔާ އާއި ޔޫއޭއީގެ ޤައުމީ ޓީމުން ޖިއްދާގައި ކުޅެން ހަމަޖެއްސި ފުޓްބޯޅަ މެޗަކަށް ޓެރަރިސްޓް ހަމަލާއެއް ދޭން ކުރި މަސައްކަތް ފެއިލްކޮށް ބައަކު ހައްޔަރުކޮށްފިއެވެ.
ސައުދީ ހޯމް މިނިސްޓްރީން ބުނެފައިވަނީ ބަޑި ބޭސް އަޅާފައި އޮތް 2 ވެހިކަލް އެތަނުގައި ގޮއްވާލައި ގިނަ ބައަކު މަރަން ކަމަށެވެ. އަދި މިކަމާއި ގުޅިގެން ސޫދާންގެ މީހަކާއި ސީރިޔާ މީހަކާއި ޕާކިސްތާނުގެ 2 މީހަކު ހައްޔަރުކޮށްފައިވާ ކަމަށެވެ.
ހޯމް މިނިސްޓްރީން ބުނީ މީގެ އިތުރުން ވެސް 4 މެންބަރުންގެ ޓެރަރިސްޓް ގޭންގެއް ޝަޤްރާ ޕްރޮވިންސުން ހައްޔަރުކޮށްފައިވާ ކަމަށެވެ.
