ޤައުމީ ބެޑްމިންޓަން މުބާރާތުގެ ޗެމްޕިއަންކަން ޕޮލިސް ކޯޕްރަލް މުޙައްމަދު ސާރިމް ހޯދައިފި

މައިލޯ 43 ވަނަ ޤައުމީ ބެޑްމިންޓަން މުބާރާތުގެ ސިންގަލްސް ބައިގެ ޗެމްޕިއަންކަން ޕޮލިސް ކޯޕްރަލް މުޙައްމަދު ސާރިމް ރަޝީދު ހޯދައިފިއެވެ.

ސާރިމް މި މުބާރާތުގެ ޗެމްޕިއަންކަން ހޯދީ ސިންގަލްސް ބައިގެ ފައިނަލުގައި ޑިސެމްބަރު މަހުގެ 1 ވަނަ ދުވަހުގެރޭ ޙުސައިން ޒަޔާން ޝަހީދު ޒަކީ އާ ވާދަކޮށް 2-1 ގޭމުން މެޗު ކާމިޔާބުކޮށްގެންއެވެ.

މިމެޗުގައި ފުރަތަމަ ގޭމް 21-18 ން ޒަޔާން ކާމިޔާބުކުރިނަމަވެސް ސާރިމް ވަނީ ކުޅުން ރަނގަޅުކޮށް ދެން ކުޅުނު ދެ ގޭމް ކަމިޔާބުކޮށްފައެވެ. ސާރިމް މި ދެގޭމް ކާމިޔާބުކުރީ 21-16 އަދި 21-14 ންއެވެ.

ޤައުމީ ބެޑްމިންޓަން މުބާރާތުގައި ސާރިމްވަނީ ޑަބަލްސް އިވެންޓުގެ ސެމީ ފައިނަލް އަދި މިކްސް ޑަބަލްސް އިވެންޓުގެ ފައިނަލުގައިވެސް ވާދަކޮށްފައެވެ. މިކްސް ޑަބަލްސް ފައިނަލްގައި ސާރިމްގެ ޕެއަރ ބަލިވެފައިވަނީ 2 ގޭމް 1 ގޭމުންއެވެ.