މަލްޓި ޖީނިއަސް ކުއާޓާއަށް ދަތުރުކޮށްފި

އައްޑޫސިޓީގައި މިހާރުކުރިއަށްދާ އޮންދިގޯ ސްޓްރީޓް ސޮކަރ 2017 ގައި މިއަދު ހަވީރު ކުޅުނު މެޗު މަލްޓިޖީނިއަސް ކާމިޔާބުކޮށް މުބާރާތުގެ ކުއާޓާއިން ޖާގައެއް ކަށަވަރު ކޮށްފިއެވެ.

އެފްސީ ސްކޫޕްކަންމައްޗާ ބައްދަލުކޮށް މަލްޓިޖީނިއަސް މެޗު ކާމިޔާބުކުރީ 1-0 އިންނެވެ. މިއީ މި މުބާރާތުގެ ކުއާޓާގެ ޖާގަ ކަށަވަރުކުރި ހަވަނަ ޓީމެވެ. އެ މެޗުގެ މޭން އޮފްދަ މެޗަކަށް ހޮވިފައިވަނީ މަލްޓިޖީނިއަސްގެ ޖާޒީނަމްބަރ 6 ހުސައިން ޝަރީފެވެ.

މުބާރާތުގެ ގްރޫޕްސްޓޭޖުގެ މެޗުތައްކުޅެ މިރޭ ނިމޭނެއެވެ. އަދު ކުއާޓާގެ ފަހު ދެ ޖާގައަށް ޓީމްތައް މިރޭ ހޮވޭނެއެވެ. ކުއާޓަރ ފައިނަލްގެ ގުރުއަތުލުންވެސް މިރޭ ގަމުގައި އޮންނާނެއެވެ.

މިރޭ ޖުމްލަ 5 މެޗު ކުޅުމަށްވަނީ ހަމަޖެހިފައެވެ. މެޗުތައް ފަށާނީ 20:00 ގައެވެ.