ތ.އަތޮޅު ޕޮލިސް ޓީމުން ދ. އަތޮޅު ބަލިކޮށްފި

ސައުތު ޑިވިޝަން އޮޕަރޭޝަން ކޮމާންޑް (އެސްއޯސީ) ހެޑް ކަޕް ފުޓްސަލް މުބާރާތުގައި މިއަދުގެ ދެވަނަ މެޗު ތ. އަތޮޅު ޕޮލިސް ޓީމް ކާމިޔާބު ކޮށްފިއެވެ. ދ. އަތޮޅު ޕޮލިސްޓީމާ ބައްދަލުކޮށް އެޓީމް މެޗު ކާމިޔާބުކުރީ 3-2 ލަނޑުންނެވެ.

މި މެޗުގައި ތ. އަތޮޅު ޕޮލިސް ޓީމަށް ލަނޑު ޖަހައިދީފައިވަނީ އެޓީމްގެ ޖާޒީ ނަމްބަރ 7 އިބްރާހީމް މިގްދާދާއި، ޖާޒީ ނަމްބަރ 10 އިސްމާއީލް މާޖިދާއި، ޖާޒީ ނަމްބަރ 11 ނަސްރުﷲ އެވެ. ދ. އަތޮޅުގެ ދެލަނޑު ޖަހައިދީފައިވަނީ އެޓީމްގެ ޖާޒީ ނަމްނަރ 9 ހަސަން ސިމާހާއި، ޖާޒީ ނަމްބަރ 13 މުހައްމަދު އިހުސާނެވެ.

މެޗުގެ މޮޅު ކުޅުންތެރިއަކަށް ހޮވިފައިވަނީ ތ. އަތޮޅު ޕޮލިސްގެ ޖާޒީ ނަމްބަރ 11 ނަސްރުﷲ އެވެ. މުބާރާތުގެ ސެމީގެ މެޗުތައް މާދަމާ ކުޅޭނެއެވެ.