ލައިސްގެ ހަތަރު ލަނޑުން އަތޮޅު މަދަރުސާގެ މައްޗައް ފޭދޫ ކުރީ ހޯދައިފި

މައިލޯ އިންޓަރ ސްކޫލް 17 އަހަރުން ދަށުގެ ފުޓުބޯޅަ މުބާރާތުގައި ފޭދޫ ސްކޫލުން ސ. އަތޮޅު މަދަރުސާގެ މައްޗަށްވެސް ކުރި ހޯދައިފިއެވެ.

އައްޑޫ ފުޓުބޯޅަ ސްޓޭޑިއަމްގައި މިއަދު ހަވީރު ކުޅުނު މެޗު ފޭދޫ ޓީމް މޮޅުވީ 6 ލަނޑު ސުން ލަނޑުންނެވެ. މިމެޗުގައި އެޓީމްގެ ޖާޒީ ނަމްބަރ 7 ހުސައިން ލައިސް އަދުނާނު ވަނީ 4 ލަނޑު ޖަހައި ހެޓްރިކް ހަދައިފައެވެ. އެޓީމުގެ އަނެއް ދެލަނޑުގެ ތެރެއިން އެއްލަނޑު ކާމިޔާބުކޮށްދިނީ ޖާޒީ ނަމްބަރ 10 ހަސަން ޝިޔާހު ހާދީ އެވެ. އަނެއް ލަނޑަކީ އަތޮޅު މަދަރުސާގެ ޖާޒީ ނަމްބަރ 4 މުހައްމަދު ޝާވީ އަތުން ބައިކޮޅަށް ވަން ލަނޑެކެވެ.

މާދަމާ މެޗުގައި ބައްދަލުކުރާނީ އައްޑޫ ހައިސްކޫލާއި ޝަރަފުއްދީން ސްކޫލެވެ.