ކައިވެންޏަށްފަހު ގެއަށްދާން ފެރީބޯޓެއްގައި ދަތުރުކުރަނިކޮށް ބޯޓުފެތި 20 މީހުން މަރުވެއްޖެއެވެ.
މިހާދިސާ ހިނގާފައިވަނީ ރޭ މިޔަންމާގެ ޔަންގޫންގެ ކޯރެއްގައެވެ.
މިބޯޓުން 60 ފަސިންޖަރުން ދަތުރުކުރިއިރު މިއެންމެންނަކީވެސް ކައިވެނީގެ ހަފްލާއަކަށްފަހު ކޯރު ހުރަސްކުރަން އުޅުނު މީހުންނެވެ. މަރުވިމީހުންގެ ތެރޭގައި ހިމެނެނީ 16 އަންހެނުންނާއި 4 ފިރިހެނުންނެވެ.
މިހާދިސާ ހިނގަން މެދުވެރިވީ ކޯރުން ދަތުރުކުރި ދެ ބޯޓު ޖެހިގެންނެވެ. ދެ ބޯޓު ޖެހުނުއިރު ދެ ބޯޓުގައިވެސް އެއްވެސް އަލިކަމެއް ނެތިއެވެ.
ފުލުހުން ބުނީ މި ހާދިސާގައި ގެއްލިފައިވާ 9 މީހަކު އަދިވެސް ނުފެންނަ ކަމަށެވެ. އަދި ދެ ބޯޓުގައިވެސް ތިބީ ޢާއިލީ ގޮތުން ގުޅުން ހުރި މީހުން ކަމަށެވެ.
ކައިވެންޏަށްފަހު ގެއަށް ދާން އުޅުނު ބައަކު ފެތި 20 މީހުން މަރުވެއްޖެ
