މާލޭ ލީގުގައި އީގަލްސް އިން ވެލެންސިއާގެ މައްޗަށް ކުރި ހޯދައިފި

މާލޭ ލީގުގައި ކްލަބު އީގަލްސް އާއި ވެލެންސިއާ ކުޅުނު މެޗުން ކުލަބު އީގަލްސް އިން ކާމިޔާބުކޮށްފިއެވެ.

މި މެޗު އީގަލްސް އިން ކާމިޔާބުކުރީ 3-0 ލަނޑުންނެވެ.

ރަސްމީ ދަނޑުގައި އިއްޔެ ހަވީރު ކުޅުނު މި މެޗުގައި އީގަލްސްގެ ލަނޑުތައް ޖަހައިދިނީ އަންސަރު އިބްރާހިމް (އަންކޮ) އާއި އަހްމަދު ނާޝިދު (ނައްޓޭ) އާއި ބަދަލު ކުޅުންތެރިއެއްގެ ގޮތުގައި ކުޅެން ނުކުތް އަހްމަދު ނައުފަލް އެވެ.

މާލޭ ލީގުގައި ވެލެންސިއާއަށް މިހާތަނަށް 4 މެޗު ކުޅެފައިވާ އިރު، ލިބިފައިވަނީ ކްލަބު ގްރީން ސްޓްރީޓްސް އަތުން އެ ޓީމަށް ލިބުނު ޕޮއިންޓު އެކަންޏެވެ.

ލީގުގައި އީގަލްސް ކުޅުނު 4 މެޗުގެ ތެރެއިން ދެ މެޗުން މޮޅުވިއިރު، އެއް މެޗުން އެއްވަރުވެ އަނެއް މެޗުން ވަނީ ބަލިވެފައެވެ.