އެމެރިކާއިން އަތުލައިގަނެ ގުއަންޓަނަމޯބޭ ޖަލުގައި ބަންދުކުރި ކުވައިތުގެ 12 މީހުން އެޖަލުން ސަލާމަތްކުރުމަށްޓަކައި ޤާނޫނީ ވަކީލުންނަށް 34 މިލިއަން ޑޮލަރު ކުވައިތުން ޚަރަދުކުރިކަން ހާމަވެއްޖެއެވެ.
އެނޫހުން ބުނެފައިވަނީ ކުވައިތުން މިޚަރަދުކުރީ އެމެރިކާއިން ރަހީނުކުރި ކުވައިތުގެ 12 މީހުންނަކީ އެމެރިކާއިން ތުހުމަތުކުރި ފަދަ ކުށެއްކުރި ބައެއް ނޫންކަމަށްވާތީ ކަމަށެވެ.
އެނޫހުން ބުނެފައިވަނީ ބައެއް ކުށްވެރިންނަށް 7 މިލިއަން ޑޮލަރު ޚަރަދުވެފައިވާއިރު ބައެއް ކުށްވެރިންނަށް ޚަރަދުވެފައިވަނީ 700،000 ޑޮލަރު ކަމަށެވެ. ނަމަވެސް މި ޚަރަދުތައް ކުރީ ކޮން ލޯފާމްތަކަކަށްކަން ހާމަކޮށްފައެއް ނުވެވެ.
ގުއަންޓަނަމޯބޭ ޖަލުގައި ބަންދުކުރި ކުވައިތުގެ ރައްޔިތުންގެ ތެރެއިން އެންމެފަހު މީހާ ސަލާމަތްވީ މިދިއަ އަހަރުއެވެ. ކުވައިތުގެ އެއްވެސް ރައްޔިތެއްގެ މައްޗަށް އެއްވެސް ކުށެއް ސާބިތުވެފައެއް ނުވެއެވެ.
އެނޫހުގައި ބުނެފައިވަނީ ކުވައިތުގެ ސަރުކާރުން މި ޚަރަދުކުރީ ޤައުމުގެ ރައްޔިތުން ސަލާމަތްކުރުމަކީ ސަރުކާރުގެ މަސްއޫލިއްޔަތަކަށްވާތީ ކަމަށެވެ.
އެމެރިކާގެ އަތްދަށުން ކުވައިތުގެ 12 މީހުން ސަލާމަތްކުރަން ވަކީލުންނަށް ކުވައިތުން 34 މިލިއަން ޑޮލަރު ޚަރަދުކުރި
