ޓީޗަރުންނަށް ޚާއްސަ ބެޑުމިންޓަން މުބާރާތެއް ބާއްވަނީ

ޓީޗަރުންނަށް ޚާއްސަ ކޮށްގެން ބާއްވާ ބެޑްމިންޓަން މުބާރާތެއް އައްޑޫގައި ބާއްވަން ނިންމައިފިއެވެ.

މިއީ އައްޑޫ ބެޑްމިންޓަން ކުލަބުން އިންތިޒާމް ކޮށްގެން ބާއްވާ މުބާރާތެތެވެ. މިބާރާތް އޮންނާނީ އެޕްރީލް 26 އިން 30 އަށް ހިތަދޫ ޔޫތުސެންޓަރުގައެވެ. މުބާރާތުގައި 6 ޓީމް ވާދަކުރާ ކަމަށް އެކުލަބުން ބުންޏެވެ.

މިއީ އައްޑޫގެ ސްކޫލްތަކުގައި މަސައްކަތްކުރާ ޓީޗަރުންގެ މެދުގައި އެކުވެރިކަމާއި އެއްބައެއްވަންތަކަށް ވަރަގަދަ ކުރުމުގެ މަގުސަދުގައި ބާއްވާ ޚާއްސަ މުބާރާތެއް ކަމަށްވެސް އެކުލަބުން މައުލޫމާތު ދެއްވިއެވެ.

މިއީ ހުރީހާ ޓީޗަރުންނަށް ބައިވެރިވެވޭ ގޮތަށް އާންމުކޮށް ހުޅުވައިގެން ބާއްވަ މުބާރާތެކެވެ.