ޤައުމީ އަންހެން ޓީމުގެ ހުންގާނު އާތީއަށް..
ދިވެހި ޤައުމީ އަންހެން ފުޓްބޯޅަ ޓީމުގެ ހުންގާނު ނުވަތަ ކޯޗުގެ މަޤާމަށް ތަޖުރިބާކާރު ކޯޗު މުހައްމަދު އާތިފް (އާތި) ހަމަޖައްސައިފިއެވެ.
އެފްއޭއެމް ހައުސްގައި ބޭއްވި ރަސްމިއްޔާތުގައި އެއްބަސްވުމުގައި ސޮއިކުރުމަށްފަހު އެފްއޭއެމްގެ ރައީސް ބައްސާމްއަދީލް ޖަލީލް ވިދާޅުވީ ޤައުމީ އަންހެން ޓީމުގެ ކޯޗަކަށް އާތިހަމަޖެހިގެން ދިޔުމުން އެކަމާ އުފާކުރާ ކަމަށެވެ.
ޖަޕާނުގެ ކޯޗު ދިވެހި ޓީމަށް އިރުޝާދުދިން ދުވަސްވަރު ޓީމަށްއައިސްފައިވާ ކުރިއެރުން އެއަށްވުރެ އިތުރު ހަރުފަތަކަށް ގެންގޮސް މިސަރަހައްދުގެ ގަދަ ބާރަކަށް ޤައުމީ އަންހެން ޓީމު ހެދުމަށް މަސައްކަތްކުރަމުންދާ ކަމަށްވެސް ވިދާޅުވިއެވެ.
މިކަމާއިގުޅިގެން ވަރަށް އުފާވާ ކަމަށާއި އޭނާއަށް އެ މަޤާމު ދިނީ އޭނާއަކީ އަންހެންޤައުމީ ޓީމެއް އުފެއްދުމުގައި އެންމެ އިސްކޮށް ހަރަކާތްތެރިވި އެކަކުކަމަށް ވާތީ ކަމަށެވެ.
