ފިއެސްޓާގެ ޗެމްޕިއަންކަން ޓީމު ފެނަކަ ހޯދައިފިއެވެ.
ކްލަބް މޯލްޑިވްސް ކަޕްގެ ފިއެސްޓާގެ ޗެމްޕިއަންކަން ޓީމް ފެނަކައިން ހޯދީ ފައިނަލުގައި ދިވެހި ސިފައިންގެ ކުލަބް (ޑީއެސްސީ) އާއި ބައްދަލުކޮށް 11-2 ލަނޑުގެ ތަފާތު ބޮޑު ނަތީޖާއަކުން ކާމިޔާބުކޮށްގެންނެވެ.
މި މެޗުގައި ޓީމް ފެނަކައިގެ ބިދޭސީ ކުޅުންތެރިޔާ ސަސިޗާ ފޮތިވުންގ 4 ގޯލް ޖަހާފައިވާ އިރު، ޖެންޖީރާ ބުފާ ވަނީ ހެޓްރިކް ހަދާފައެވެ. އަދި ޖިރަޕްރަޕާ ޓުޕްސުރި 2 ގޯލް، އައިޝަތު ސަމާ އާއި ޝަހުލާ ތައުފީޤު ކޮންމެ ކުޅުންތެރިއަކު ވަނީ އެއްގޯލު ޖަހާފައެވެ.
ދިވެހި ސިފައިންގެ ކްލަބުގެ ފުރަތަމަ ގޯލް ޕިމްޕިލާ ޗޮކްޗާއި ކާމިޔާބުކޮށްދިންއިރު، އެޓީމުގެ ދެވަނަ ގޯލަކީ ޓީމް ފެނަކައިގެ ޖިރަޕްރަޕާ ޓުޕްސުރި އަތުން ބައިކޮޅަށް ވަން ގޯލެކެވެ.
ފިއެސްޓާގެ ޗެމްޕިއަންކަން ޓީމު ފެނަކަ ހޯދައިފި
