ޔޫތު ސުޕަރސްޓައިލް ބެޓުލްގެ ނަމުގައި ފުރީސްޓައިލް ފުޓަބޯލް ޗެންޕިއަންޝިޕެއް ބާއްވަނީ.

ޔޫތުސުޕަރސްޓައިލްބެޓުލް 2017ގެ ނަމުގައި ފުރީސްޓައިލްފުޓަބޯލްޗެންޕިއަންޝިޕެއް ބޭއްވުމަށް ޔޫތް މިނިސްޓްރީން ނިންމައިފިއެވެ.

މާފަންނު ޒުވާނުންގެ މަރުކަޒު (ސޯޝަލް ސެންޓަރ) ގެ ކުރިމަތިން މަޖީދީ މަގުގައި ކުރިއަށްދާ މި މުބާރާތުގެ ގްރޫޕް ސްޓޭޖު މެޗުތައް އޮންނާނީ 9 ޖޫން އިން 11 ޖޫންއަށް ކޮންމެ ދުވަހެއްގެވެސް ހަވީރު 16:00ން 17:30އަށެވެ. ސެމީފައިނަލާއި ފައިނަލް މެޗު އޮންނާނީ ޖޫން 16 ވާ ހުކުރު ދުވަހުގެ 16:00ން 17:30އަށެވެ.

މުބާރާތުގައި ބައިވެރިވުމުގެ ފުރުޞަތު މިއަދުން ފެށިގެން މިމަހުގެ 8 ވަނަ ދުވަހުގެ މެންދުރު 12:00 އާއިހަމައަށް ވަނީ ހުޅުވާލާފައިވާ އިރު، މިއީ ޢުމުރުން 16 އަހަރާއި 35 އަހަރާއިދެމެދު ޢުމުރުފުރާއަށް ހުޅުވާލައިގެން ބާއްވާ މުބާރާތެކެވެ.

މުބާރާތުގައި ބައިވެރިވުމަށް ފުރިހަމަ ނަމާއި އައިޑީ ކާޑު ނަމްބަރ، ޢުމުރު އަދި ގުޅޭނެ ނަމްބަރ އޮފިޝަލް ފޭސްބުކް ޕޭޖް https://www.facebook.com/Youth-SuperStyle-Battleއަށް އިންބޮކްސް ނުވަތަ 7598268 ނަމްބަރު ފޯނަށް އެސްއެމްއެސް ކުރުމުން ބައިވެރިވެވޭނެ ކަމަށް ޔޫތް މިނިސްޓްރީން ބުންޏެވެ.

ދިވެހިރާއްޖޭގައިއެންމެފަހުންބޭއްވުނުދެފުރީސްޓައިލްމުބާރާތުގެވެސްޗެންޕިއަންމުހައްމަދުސައިފްޒާހިރުއާއިގުޅިގެން ކުރިއަށް ގެންދާ މި މުބާރާތުގެ އެކްސްކްލޫސިވް ސްޕޮންސަރއަކަށް ދިރާގު ހަމަޖައްސާފައިވާ އިރު، އޮފިޝަލް ފޮޓޯގްރަފީ އަދި ވީޑިއޯ ގްރަފީ ޕާރޓްނަރއަކީ ލީފް ފޮޓޯސް އެވެ.