ހާދިސާ ހިނގައިދިއަ ވަގުތަކީ މުސްލިމުން ހާރު ކެއުމަށް ހޭލައި އުޅުނު ވަގުތެވެ. ދުންތައް ފެނުމާއިއެކު މުސްލިމުން ވަނީ ހާރުކެއުން ދޫކޮށް ބޭރަށް ނުކުމެ މީހުން ހޭލައްވައިފައެވެ. އަދި އެވަގުތަކީ ދަމު ނަމާދަށްފަހު ގިނަ ބައަކު އެނބުރިއައި ވަގުތުކަމުން ގިނަ އަދަދެއްގެ މުސްލިމް ޒުވާނުން ވަނީ މީހުން ހޭލައްވައި ސަލާމަތްކުރުމަށް މަސައްކަތްކޮށްފައެވެ.
މުސްލިމުން އެގޮތަށް މަސައްކަތް ނުކުރިނަމަ މަރުވި މީހުންގެ އަދަދު އެތައް ގުނައަކަށް އިތުރުވާނެ ކަމަށް ވަނީ ބެލެވިފައެވެ.
"މުސްލިމުން މަރުން ސަލާމަތްވީ ރޯދައިގެ ސަބަބުން. އެއީ މާތްﷲ މިންވަރުފުޅު ކުރެއްވެވި ވަރަށް ބޮޑު ރަޙްމަތެއް."
ޓަވަރުގައި ދިރިއުޅޭ މީހުން ބުނެފައިވަނީ އެ ސަރަހައްދަކީ ގިނަ އަދަދެއްގެ މުސްލިމުން ވަރަށް އެއްބައިވަންތަކަމާއިއެކު ދިރިއުޅޭ ސަރަހައްދަކަށްވާތީ މަގުމަތިވެސް ވަރަށް އަމާން ސަރަހައްދެއް ކަމަށެވެ. މީހުންނަށް ބިރެއް ނެތި ރޭގަނޑުވެސް މަގުމަތީގައި އުޅެވޭ ސަރަހައްދެއް ކަމަށެވެ.
މުސްލިމުން ވަނީ ހާލުގައި ޖެހުނު މީހުންނަށް ވަރަށް ފުރިހަމައަށް އެހީތެރިކަން ފޯރުކޮށްދީފައެވެ. މިކަންކަމުގެ ސަބަބުން އެހެން ދީންތަކުގެ މީހުންނާއި މުސްލިމުންގެ ގުޅުން އިތުރަށް ބަދަހިވެގެންދާނެއެވެ.
"If it wasn't for Muslim Boys coming from prayers at the Mosque & waking people up, a lot more people would've been dead!" #GrenfellTower pic.twitter.com/4UA8zHIwAX
— JammyDodger (@mrjammyjamjar3) June 14, 2017
