ޔަމަނުގައި ފެތުރެމުން އަންނަ ކޮލެރާ ކޮންޓްރޯލްކޮށް މައްސަލަ ހައްލުކުރުމަށް އެހީއެއްގެ ގޮތުން 66.7 މިލިއަން ޑޮލަރުގެ ދީލަތި އެހީފުޅެއް ސައުދީ ވަލީ އަހުދު މުޙައްމަދު ބިން ސަލްމާން ދެއްވައިފިއެވެ.
ވަލީ އަހުދު މި އެހީފުޅު ދެއްވެވީ ޑަބްލިޔޫއެޗްއޯ އިން ޔަމަނުގެ ހާލަތު ދިރާސާކޮށް ހުށަހެޅި ރިޕޯޓަކާއި ގުޅިގެންނެވެ އެހީ ހަވާލުކުރެއްވީ ވެސް ޑަބްލިޔޫއެޗްއޯ އާއިއެވެ.
ސައުދީ ރިޔާސީ ގަނޑުވަރުން ބުނެފައިވަނީ ޔަމަނުގެ ހާލަތު ރަނގަޅުކުރުމަށްޓަކައި އެކުވެރި ޖަމާއަތްތަކާއި ގުޅިގެން މަސައްކަތްތައް ކުރިއަށް ގެންދާނެ ކަމަށެވެ. އަދި ކިންގ ސަލްމާން ރިލީފް ފަންޑުން އިތުރު އެހީފުޅުތައްވެސް ދެއްވަމުން ގެންދވާނެ ކަމަށެވެ.
ޔަމަނުގެ ކޮލެރާ ކޮންޓްރޯލްކުރަން ސައުދީ ވަލީއަހުދު 66.7 މިލިއަން ޑޮލަރުގެ އެހީއެއް ދެއްވައިފި
