ހަނާ އާއި ސްޓީވް މާޔޫސްކޮށްލީ ޑޮކްޓަރުންނެވެ. ލިބުނު ދަރިފުޅު ދުނިޔޭގައި އޮންނާނެ ކަމުގެ އެއްވެސް އުންމީދެއް ނެތް ކަމަށާއި އެކަމަށް ކުރެވޭނެ ކަމެއްވެސް ނެތްކަމަށް ބުނުމުންނެވެ. 3 ހަފްތާ ވެގެން އައިއިރުވެސް ޑޮކްޓަރުން ބުނަމުން އައީ ހަމަ އެއްވާހަކައެކެވެ.
ކަން މިހެން ހުރި ނަމަވެސް ކުއްޖާގެ ހާލު އައީ ރަނގަޅުވަމުންނެވެ. މިއަދު ކުއްޖާ އޮތީ ގޭގައެވެ. ނަމަވެސް އޮކްސިޖަން އާއިއެކުގައެވެ. ބައްޕަ ބުނަނީ ކަންކަން މިހާރު ކުރިއަށްދާ ގޮތަށް ކުރިއަށްދާނަމަ ވަރަށް އަވަހަށް އޮކްސިޖަން ވެސް ނައްޓާލެވޭނެ ކަމަށް ޤަބޫލުކުރާ ކަމަށެވެ.
ކުއްޖާއަށް ފަރުވާކުރި ޑޮކްޓަރުން ބުނަނީ ކުއްޖާ ސަލާމަތްވީ މިރެކްލްއަކުން (މުޢުޖިޒާތަކުން) ކަމަށެވެ. މުޢުޖިޒާތް މިންވަރު ކުރައްވަވަނީ މާތްﷲއެވެ.
